Әһли Бејт -АБНА- хәбәр аҝентлијинин вердији хәбәрә әсасән Јереванда Гара Дәниз Игтисади Әмәкдашлыг Тәшкилатынын (ГДИӘТ) Парламент Ассамблејасынын (ПА) пленар иҹласы кечирилир. "ТалышИнфо" хәбәр верир ки, иИҹласда иштирак етмәјә ҝәлән Азәрбајҹан нүмајәндә һејәти Јереванда ермәни сојгырымы абидәсини зијарәт етмишдир.
Хәбәр верилдији кими Јеревандакы тәдбирә гатылан Азәрбајҹан нүмајәндә һејәтинин тәркибинә депутатлар Асәф Һаҹыјев, Муса Гулијев вә Жалә Әлијев дахилдир. Аҝентлијин мәлуматына ҝөрә нүмајәндә һејәти бу ҝүн ермәни сојгырымы гурбанлары мемориалында олмушлар. Гонаглары ГДИӘТ ПА-да Ермәнистан нүмајәндә һејәтинин рәһбәри Гагик Минасјан мүшајиәт едиб.
Милләт вәкилләри Асәф Һаҹыјев, Муса Гулијев вә Жалә Әлијев ермәни сојгырымы музеји-Институтунда олмушдур. Онлар музејин фәхри гонаглары китабына рәј дә јазыблар. "ТалышИнфо"-ја хәбәри өтүрән мәнбә билдирир ки, ермәни сојгырымы гурбанларынын мемориалынын зијарәти рәсми Бакы илә мүзакирә олунуб. Разылыг вериләндән сонра Азәрбајҹан нүмајәндә һејәти хатирә мемориалы вә музеји зијарәт етмишдир. Азәрбајҹан Парламенти адындан парламент үзвләри "гардаш халгын" ҝеносид гурбанларына етирам әламәти олараг гырмызы ҝүллә бәзәдилмиш әклил гојмушлар.
Бир аз әввәл милләт вәкили Жалә Әлијева мәтбуата билдирмишди ки, Ермәнистана сәфәр етмәк үчүн чох сәј ҝөстәрмиш вә белә бир имканы әлдә етдијинә ҝөрә хошбәхтдир... Онун фикринҹә, Јереван сәфәри - бир мәсулијјәтдир вә о, буна там һазырдыр: "Һесаб едирәм ки, һеч бир халг мүһарибә истәмир. Бу мәним үчүн мәсулијјәтли сәфәрдир вә мән горху, һәјәҹан һисс едир, лакин тәһлүкә һаггында фикирләшмирәм", - Панорама.ам сајтында билдирилир.
Хатырладырыг ки, Гара Дәниз Игтисади Әмәкдашлыг Тәшкилаты (ГДИӘТ) Парламент Ассамблејасынын 39-ҹу пленар сессијасында сәдрлик Ермәнистандан Азәрбајҹана кечмәлидир.
Диггәт: Хәбәрдән истифадә етдикдә мәнбәјә истинад лазымдыр
