Әһли Бејт -АБНА- хәбәр аҝентлији- Бакы шәһәриндә тәшкил олунаҹаг “Еуровисион 2012” маһны мүсабигәсинә сајылы ҝүнләр галыр. Јарышма өнҹәси бәзи хошаҝәлмәз һаллара да раст ҝәлмәк мүмкүндүр. Белә ки, јарышма өнҹәси үзәриндә “Еуровисион 2012” вә диҝәр јарышманын логолары јазылмыш үч рәнҝли бајрағларымыза раст ҝәлмәк олур. Бу исә һеч дә јахшы гаршыланмыр.
Бу мәсәлә илә бағлы Милли Мәҹлисин депутаты, һүгуг мүдафиәчиси Чинҝиз Гәнизадәдән мүнасибәт өјрәндик. Депутат Модерн.аз-а ачыгламасында белә һалларла растлашан һәр бир Азәрбајҹан вәтәндашынын етираз етмәк һүгугунун олдуғуну дејиб:
“Һесаб едирәм ки, һәр бир вәтәндаш вә рәсми шәхс буна гаршы өз етиразыны билдирмәлидир. Чүнки бизим үчүн дөвләт бајрағы мүгәддәсдир вә онун үзәриндә ај-улдуздан башга һәр һансы бир јазыларын олмасы, дөвләт рәмзләримизә һөрмәтсизлик кими характеризә олуна биләр. Бу бахымдан истәр “Еуровисион”, истәрсә дә идман јарышы олсун, бизим дөвләт бајрағымызын үзәриндә һәр һансы бир сөзүн јазылмасы јолверилмәздир. Бәзән бајраг үзәриндә автограф верирләр, имзалар гојурлар, бунларын һамысы гадағандыр вә гәтијјәтлә писләјирәм. Садәҹә олараг, символик ағ рәнҝли парча үзәриндә “Еуровисион” вә башга нә истәсәләр јаза биләрләр. Биз өрнәк кими Түркијәјә баха биләрик. Түркијә дөвләтиндә игтидар, мүхалифәт, садә вәтәндаш бајраға мүгәддәс атрибут кими бахыр. Биздә белә етмәлијик. Диҝәр һаллар јолверилмәздир вә белә һаллары писләјирәм”.
Һүгуг мүдафиәчиси Ч.Гәнизадә гаршыдан ҝәлән тәдбир баша чатана гәдәр һамыја сәсләниб:
“Ола биләр кимләрсә бунун һүгуги вә диҝәр тәрәфләрини билмир. Ҝәнҹләр тәрәфиндән белә һаллара јол вериләҹәксә, дәрһал буну дәрк едән һәр бир Азәрбајҹан вәтәндашы она өз иҹтимаи етиразыны билдирмәлидир”.
Анар Кәлбијев
Диггәт: Хәбәрдән истифадә етдикдә мәнбәјә истинад лазымдыр
