Әһли Бејт -АБНА- хәбәр аҝентлији- Минләрлә Тәбриз әһалиси Азәрбајҹан Республикасынын Тәбриздә јерләшән консуллуғу гаршысында етираз аксијасы кечирәрәк, бу өлкәдә ҝеј-парад кечирилмәсинин дәрһал ләғв едилмәсини тәләб етдиләр.
АранНјус-ин мәлуматына әсасән, чәршәнбә ахшамы ҝүнортадан сонра Азәрбајҹан Республикасынын Тәбризин Вәлијји-әср (әҹ) мәнтәгәсиндә јерләшән консуллуғунун гаршысында кечирилән аксијада мүхтәлиф тәбәгәләриндән олан 10 миндән јухары ҹәмијјәт, о ҹүмләдән университет мүәллим вә тәләбәләри, инҹәсәнәт вә мәдәнијјәт хадимләри, фәһләләр вә руһаниләр иштирак етдиләр.
Етиразчылар фарс вә түрк дилләриндә шүарлар сәсләндирәрәк Азәрбајҹан дөвләтинин мүсәлман бир өлкәдә ҝеј-парад кечирмәсини писләдиләр вә бу әмәлин дәрһал ләғвини тәләб етдиләр.
Јағмурлу һава шәраитинә бахмајараг аксијаја гатыланлар һәмчинин АР диндарларыны дәстәкләјән шүарлар да сәсләндирәрәк, бу өлкә башчыларыны исламофобија һәрәкәтләринә сон гојмағы чағырдылар.
Аксија кечирән Тәбриз әһалисинин әлләриндә "Азәрбајҹан вар олсун, Илһам сәнә ар олсун", "Ҹәнаб Илһам Әлијев, Аллаһын әзабындан горх!", " Ҹәнаб Илһам Әлијев, ҝеј-парад кечирмәк әвәзинә Гарабағын азадлығы фикриндә ол", "Азәрбајҹан милләти, гәбул етмәз зилләти", "Дүнјанын һәмҹинсбазлары Азәрбајҹанда, өлкәнин исламчылары зинданда", "Аллаһын ләнәти олсун һәмҹинсбазлара, онлары һимајә едәнләрә, тәшвиг едәнләрә" вә диҝәр бу кими плакатлар ҝөтүрәрәк, Азәрбајҹан дөвләтинин әхлагсыз "Еуровисион" мүсабигәси вә ҝеј-парада ев саһиблији етмәсини бәрк писләдиләр вә Азәрбајҹан һөкумәтиндән бу һәрәкәтиндән чәкинмәсини истәдиләр.
Тәбризин Ислами Шура Мәҹлисинә сечилмиш нүмајәндәси Мәһәммәд Исмаил Сәиди аксијада чыхыш едәрәк, Бакы дөвләтинин әхлагсызлығы јајмаг планларыны писләјәрәк, Бакы рәсмиләрини өз өлкәләринин мүсәлман халгынын истәкләринә диггәтлә јанашмасына вә ҝеј-парадын ләғвинә чағырды.
О, бу аксијаја топлашанларын Азәрбајҹан хаыгынын һәгиги достлары адландырараг, АР дөвләтиндән сионистләрлә мүнасибәтләринә јенидән бахмасыны, анти-Иран һәрәкәтләрдән әл ҝөтүрмәсини вә мүнафигләри бу өлкәдә мәскунлашдырмагдан чәкинмәсини истәди.
Тәбризин нүфузлу руһаниләриндән олан һөҹҹәтүл-ислам вәл-мүслимин Исмаили дә аксијадакы чыхышында Азәрбајҹан Республикасынын әсас проблемини бу өлкәнин 20 фаиздән чох торпагларынын ишғал алтында олмасы билдириди вә Бакы дөвләтиндән бу әразиләрин азадлығы үчүн әмәли сурәтдә чалышмасыны истәди.
Аксијанын сонунда етиразчылар бәјанат верәрәк, Бакы дөвләтинин сон һәрәкәтләрини писләмәклә јанашы, бу өлкә һөкумәтиндән әхлагсызлығы јајмаг әвәзинә Гарабағын азадлығына диггәтини јөнәлтмәсини истәдиләр. Һәмчинин, АР президентини Бин Әли, Һүснү Мүбарәк, Гәззафи вә деврилмиш диҝәр диктаторларын агибәтиндән ибрәт ҝөтүрмәјә сәсләдиләр.
Гејд едәк ки, бу аксијанын кечирилмәсиндән габаг АР-нын Тәбриздәки баш консулу Әлизадә һәзрәт Ајәтуллаһ Мүҹтәһид Шәбүстәри илә ҝөрүшмүш вә ондан аксијанын кечирилмәмәси хаһишини етмишди. Тәбризин имам ҹүмәси исә онун ҹавабында демишди: "Әҝәр Азәрбајҹан Республикасы дөвләти бу ҝүн ахшама гәдәр рәсми бир бәјанатла ҝеј-парадын кечирилмәјәҹәјини тәсдиг едәрсә, биз халгдан истәјәҹәјик ки, аксија вә пикет кечирмәсинләр".
Амма јазыглар олсун ки, сионистләрин тәсири алтында олан Бакы дөвләти белә бир бәјанат верә билмәди.
Диггәт: Хәбәрдән истифадә етдикдә мәнбәјә истинад лазымдыр
