И. Әлијевлә Васиф Талыбов “мәтбуат јыртыҹысы” елан олунду

Әһли Бејт -АБНА- хәбәр аҝентлијинин вердији хәбәрә әсасән «Сәрһәдсиз Репортјорлар» Азәрбајҹаны дүнјанын 6 надир өлкәсиндән бири кими ҝөстәрди.“Сәрһәдсиз Репортјорлар” бејнәлхалг тәшкилаты журналистләрә гаршы физики зоракылығы писләјир вә билдирир ки, 2012-ҹи илин јанвар ајындан бу јана дүнја үзрә үмумиликдә 27 журналист өлдүрүлүб. Онларын әксәријјәти Сомали вә Сурија кими мүһарибә зоналарында һәлак олуб.“Азадлыг” радиосунун мәлуматына ҝөрә, “Сәрһәдсиз Репортјорлар” һәр ил ачыгладығы “Мәтбуат јыртыҹылары” сијаһысыны јениләјиб. Сијаһы бу ил бир гәдәр дә ҝенишләниб вә “мәтбуат јыртыҹылары”нын сајы 41-ә чатыб.“Бизим ҹинајәтләрин шаһиди олмасын” вә “Биздән башга һеч кәсин сәси ешидилмәсин” - бу, авторитар режимләрин вә информасија азадлығына дүшмән кәсилән силаһлы групларын әсас шүарыдыр. 2012-ҹи илин илк рүбү ҝөстәрди ки, Ливијанын вә Јәмәнин кечмиш башчылары - Мүәммәр Гәззафи вә Әли Абдуллаһ Салеһи дүнјада мәтбуат дүшмәнләринин өнүндә ҝедир онлар 2011-ҹи илдә һакимијјәтдән ҝетсә дә, үмумиликдә, информасија дүшмәнләринин сајы азалмајыб.", - дејә тәшкилатын буилки һесабатында билдирилир.2012-ҹи илдә бу зәрәрли “клуб”а јени үзвләр гошулуб. Ниҝеријада террор јајан груп Боко Һарам, Мисирдә Һүснү Мүбарәки әвәзләјән Мисир Силаһлы Гүввәләрин Али Шурасы, Сомали Федерал һөкумәтинин информасија назири, Азәрбајҹанын Мухтар Республикасы олан Нахчыванда һакимијјәти әлиндә ҹәмләшдирмиш Васиф Талыбов, Пакистан хүсуси хидмәт органлары, атасы Ким Чен Ирин өлүмүндән сонра һакимијјәтә ҝәлән Кореја президенти Ким Чен Ун...Сон заманлар бир нечә өлкәдә бирдән артыг “мәтбуат јыртыҹысы” мүшаһидә олунмагдадыр. Азәрбајҹанын да ады 6 белә өлкәнин сырасындадыр.Һесабатда гејд олунур ки, Азәрбајҹанда Илһам Әлијев гәдәр ҝүҹә малик Нахчыван рәһбәри Васиф Талыбов да азад сөз дүшмәнидир. Һесабат мүәллифләри јазыр ки, Васиф Талыбов Нахчываны репрессија методларыны сынагдан кечирән лабораторијаја чевириб ки, Илһам Әлијев дә сонрадан һәмин експериментләри бүтүн республикаја тәтбиг едир.“Сәрһәдсиз Репортјорлар” 3 Мај - Бејнәлхалг Мәтбуат Азадлығы ҝүнүндән истифадә едәрәк, журналистләрә гаршы тәзјигләри дајандырмаға чағырыр.Диггәт: Хәбәрдән истифадә етдикдә мәнбәјә истинад лазымдыр