Әһли Бејт -АБНА- хәбәр аҝентлији- Азәрбајҹан хүсусән гоншу Ермәнистанла Дағлыг Гарабағ мүнагишәси мәсәләсиндә даһа ҝениш дәстәк алмајаҹағы тәгдирдә, гәрбјөнүмлү мөвгејини јенидән нәзәрдән кечирә вә “јени блок”а дахил ола биләр.
Модерн.аз билдирир ки, бу барәдә “Блоомберҝ Буссинесwеек” аҝентлији мәлумат јајыб. Аҝентлијин мәлуматына ҝөрә, бу барәдә Президент Администрасијасынын хариҹи әлагәләр шөбәсинин мүдири Новруз Мәммәдов билдириб.
Мәммәдов дејиб ки, рәсми Бакы ишғалчы гошунларын Дағлыг Гарабағ әтрафындакы Азәрбајҹан рајонларындан чыхарылмасы мәсәләсиндә Авропа вә АБШ-ын Ермәнистана тәзјиг ҝөстәрмәсини истәјир. Онун сөзләринә ҝөрә, Азәрбајҹан артыг башга сијаси иттифага гошулмаг тәклифи алыб.
“Биз һазыркы мәгамда бу тәклифләри гәбул етмәмишик. Лакин белә давам едәрсә, биз бу тәклифләри 5-10 ил әрзиндә гәбул едә биләрик. Биз Гәрбдән Дағлыг Гарабағ мәсәләсиндә дәстәк ҝөзләјирик”- дејә, Н.Мәммәдов гејд едиб.
Н.Мәммәдовун сөзләринә ҝөрә, Азәрбајҹан талејини Гәрблә бағлајан јеҝанә дүнјәви мүсәлман өлкәсидир. Бунунла јанашы, о гејд едиб ки, НАТО-нун Әфганыстана бүтүн тәдарүкләринин тәгрибән 35 фаизи Азәрбајҹандан транзитлә һәјата кечирилир.
“Лакин биз буна ҹаваб олараг мүсбәт мүнасибәт ҝөрмүрүк”, - о дејиб. Мәммәдов билдириб ки, Азәрбајҹанын кечмиш совет республикаларыны бирләшдирән Мүстәгил Дөвләтләр Бирлијинин үзвү олдуғу бир вахтда Гәрблә јахынлығы Иранла мүнасибәтләрдә дә мүәјјән ҝәрҝинлик јарадыб.
“Иран бизә дејир: Сиз нефтинизи нијә Гәрбә сатырсыныз? Сиз АБШ вә Исраиллә мүнасибәтләринизи позмалысыныз, чүнки онлар бизим дүшмәнимиздир” дејә, о вурғулајыб.
Диггәт: Хәбәрдән истифадә етдикдә мәнбәјә истинад лазымдыр
