Әһли Бејт -АБНА- хәбәр аҝентлијинин вердији хәбәрә әсасән милади тарихинин апрел ајынын 25-нә тәсадүф едән һиҹри гәмәри тарихинин “Ҹәмадиул Сани” ајынын 4-ү дүнја ханымларынын Ханымы, әзиз Ислам Пејғәнбәрин гызы Фатимәи Зәһранын (сәламуллаһи әлејһа) шәһадәт ҝүнүдүр.
Бу ҝүн башда биринҹ гәсибкар хәлифә Абу Бәкр олмагла икинҹи гәсибкар хәлифә Өмәр ибн Хәттаб, Муғејрә, Гонфоз вә Пејғәнбәр үммәтиндән бир иддәси һәзрәти Мүһәммәдин (сәлләллаһу әлејһи вә алиһ) өз үммәтинә тапшырдығы әманәтә, Имамәт Мәгамына вә онун саһиби Имам Әлијә (әлејһи сәлам), Имамәтдән ҹанла башла мүдафиәјә галхан һәзрәти Фатимәјә (сәламуллаһи әлејһа) гаршы чыхараг ону, өз евинин дахилиндә физики зәрбәләрә мәруз гојмуш вә гапы илә дивар арасында сахлјараг бәдәнинә өлүмҹүл хәсарәтләр јетирмишдиләр. Пејғәнбәр әманәтинә гаршы едилән налајиг әмәлләр нәтиҹәсиндә бу ҝүнкү ҝүндә Ханым Зәһра (сәламуллаһи әлејһа) алдығы зәрбәләрдән шәһадәтә јетмишдир.
Биз АБНА олараг бү мүсүбәти башда Имам Заман (Аллаһ онун зүһурун тезләшдирсин) һәзрәтләринә, онун һагг наиби Имам Хаменеијә вә һәмчинин бүтүн бәшәријјәтә дәрин һүзүнлә баш сағлығы веририк. Вә Ханым Зәһранын шәһадәти илә бағлы бир нечә һәдиси сиз зијарәтчиләримизә тәгдим едирик:
1 - Ибни Әббас Пејғәнбәрдән (сәлләллаһу әлејһи вә алиһ) белә рәвајәт едир: “Гызым Фатимәнин мәндән сонра зүлмә мәруз галдығыны вә Атаҹан! Дејәрәк фәрјд чәкдијини санки ҝөрүрәм. Үммәтимдән бир кәс јохдур ки, гызымын фәрјадына чатсын.”
Ханым Зәһра (сәламуллаһи әлејһа) бу сөзләри ешитҹәк ағламаға башлады Пејғәнбәр (сәлләллаһу әлејһи вә алиһ) гызынын ағламағын ҝөрҹәк белә бујурду: “Ағлама гызым...”
Ханым Зәһра (сәламуллаһи әлејһа) атасына белә ҹаваб верди: “Мән сиздән сонра мәруз галаҹағым зүлүмләрә ҝөрә ағламырам. Еј Аллаһын Рәсулу! Мәним ағламағым сизин ајрылығыныза ҝөрәдир.”
(Әлламә Мәҹлиси, Биһарул-Әнвар, 43. ҹ. 156. с. 2. рив.)
2 - "Мәнагиб" китабында дејилир: Үммү Сәләмә Фатимәнин (сәламуллаһи әлејһа) јанына ҝәлди вә сорушду: "Неҹә сабаһладыныз, еј Рәсулуллаһын гызы?"
Фатимә (сәламуллаһи әлејһа) белә бујурду: "Пејғәмбәри итирмәкдән вә онун вәсисинә едилән зүлмә ҝөрә шиддәтли һүзн вә гәм ичиндәјәм. Аллаһа анд олсун! Вәсилик (Имамәт) пәрдәси јыртылды! Аллаһын Гуранында әмр етдији вә Рәсулуллаһын (саллаллаһу әлејһи вә алиһ) Гуран тәвилиндә бәјан етдији Имамәт мәсәләсинин там әксинә һәрәкәт едилди. Лакин бүтүн бу өзбашналыг вә зүлүмләр, Бәдир кини вә Уһуд дөјүшләриндәки өлүләрин гисасын (биз Әһли-Бејтдән) алмагдан өтәри иди.”
Әлламә Мәҹлиси, Биһарул-Әнвар, 43. ҹ. 156. с. 5. рив.
Диггәт: Хәбәрдән истифадә етдикдә мәнбәјә истинад лазымдыр
