Әһли Бејт -АБНА- хәбәр аҝентлијинин вердији хәбәрә әсасән Һесаблама Палатасы 2011-ҹи ил дөвләт бүдҹәсинин иҹрасы илә апардығы тәдгигатлар заманы Тәһсил Назирлијиндә күлли мигдарда јејинтиләрин баш вердији ашкарлајыб. “Бизим Јол” гәзетинин јајдығы мәлуматда дејилир ки, Тәһсил Назирлијиндә апарылан арашдырмалар заманы әсасән дөвләт програмларынын иҹрасында проблемләрин јашандығы ашкар едилиб.
“Техники-пешә тәһсилинин инкишафы үзрә Дөвләт Програмы” (2007-2012) үзрә 25 бәнддән ибарәт Тәдбирләр Планындан 8 бәндин иҹрасы тәмин едилмәјиб. Бакы Пешә Лисејинә бир мүгавилә үзрә ејни адлы, ејни параметрләрә малик инвентар вә аваданлыгларын сатыналынмасы заманы гијмәтләриндә кәскин фәргләр мүшаһидә едилиб вә бу јолла бүдҹәдән артыг вәсаит хәрҹләниб.
“Мәктәбәгәдәр тәһсилин јениләшдирилмәси Програмы”нын иҹрасы илә бағлы арашдырмаларда үрәкачан олмајыб. Һесаблама Палатасынын тәдгигатындан мәлум олур ки, профили сахланылмагла өзәлләшдирилмиш бағчаларын 36-сы бағлы олуб, 5-дә мәҹбури көчкүнләр мәскунлашыб, 2-си сөкүлүб, 11-и исә хүсуси разылыг алмадан профил үзрә фәалијјәтини давам етдириб.
2008-2010-ҹу илләрдә чап олунан дәрсликләрин бир гисми тәһсил мүәссисәләринә јетишдирилимәдији һалда вәсаит иҹрачыја там өдәнилиб. 2008-ҹи илдә Дағыстанын Дәрбәнд шәһәр Тәһсил Идарәсинә чатдырмаг үчүн ибтидаи синиф дәрсликләринин өлкәдән чыхарылмасы заманы ҝөмрүк јүк бәјаннамәси илә рәсмиләшдирилмәси тәмин едилмәјиб. Белә чыхыр ки, дәрсликләр ганунсуз олараг өлкәдән чыхарылыб. 2010-2011-ҹи тәдрис илә үзрә 11-ҹи синфләр үчүн “Инҝилис дили” дәрслији тәләбатдан артыг чап едилиб, буна әкс олараг мәктәбләрдә дәрслик чатышмазлығы ашкар едилиб.
Тәмир ишләринин јеринә јетирилмәси заманы иҹрачыја артыг бүдҹә вәсаити өдәнилиб. 2010-ҹу илдә ҹари тәмир ишләринә ајрылмыш вәсаит тендер кечирилмәдән истифадә едилиб. Вәсатин там өдәнилмәсинә бахмајараг биналардат апарылан ҹари тәмир ишләри јарымчыг галыб.
Бундан әввәл исә тәләбә гәбулу үзрә дөвләт комиссијасынын сәдри ТГДК-нын хәтти илә али мәктәбә гәбул олунмајан тәләбәләрин сајыны ачыгламышды.
Диггәт: Хәбәрдән истифадә етдикдә мәнбәјә истинад лазымдыр
