Әһли Бејт -АБНА- хәбәр аҝентлијинин вердији хәбәрә әсасән Кентербери архијепископу Роуен Уилјамс Оксфорд шәһәриндә кечирилән әдәбијјат фестивалында чыхышы заманы билдириб ки, һиҹабдан истифадә етмәк мүсәлман ханымын һүгугудур.
Роуен Уилјамс дејиб ки, мән дәфәләрлә мүсәлман олмајан ханымлары ҝөрмүшәм ки, башларыны өрпәклә өртүрләр. Сәбәби исә өрпәкли олдуглары һалда өзләрини инамлы һисс етмәләридир.
Мәним дәрсләримдә иштирак едән өз шаҝирдләримдән бири һәмишә дәрсә башы бағлы ҝәлирди дејән баш јепископ дејиб ки, о мәнә һәмин өрпәјин онун тәһлүкәсизлијини тәмин етдијини вә өзүнә инам јаратдығыны билдирмишдир. Уилјамс һәмин шәхсләрин башларыны дини ҝөстәришә ҝөрә дејил, мәнәви вә психоложи мотивләрлә әлагәли бағладыгларыны билдириб.
Гејд едәк ки, Роуен Уилјамс илк илк дәфә дејил ки, мүсәлманларын һаггларыны мүдафиә едир. 2006-ҹы илдә о Инҝилтәрәдә нигабын гадаған едилмәсинә етираз етмишди. 2008-ҹи илдә исә Инҝилтәрәнин ганунвериҹилијинә шәриәт нормаларынын дахил едилмәсини вә бунун мүсәлманларын ҹәмијјәтә интеграсијасына хидмәт едәҹәјини билдирмишди.
Диггәт: Хәбәрдән истифадә етдикдә мәнбәјә истинад лазымдыр
