Әһли Бејт -АБНА- хәбәр аҝентлијинин вердији хәбәрә әсасән Мусават Партијасы әлијевин фәрманыны ҝеҹикмиш вә әдаләтсиз сајыр.
Бунунла бағлы Мүсават Партијасы бәјанат да гәбул едиб.
Партијанын мәтбуат хидмәтиндән јајымланан бәјанатда билдирилир ки, дөвләт башчысы Илһам Әлијев кечмиш ССРИ Әманәт Банкынын өлкә вәтәндашлары олан әманәтчиләринә фәрди бирдәфәлик өдәмәләрин верилмәси һаггында фәрман имзалајыб. Фәрманда дејилир ки, 1992-ҹи ил 1 јанвар тарихинә кечмиш ССРИ Әманәт Банкынын Азәрбајҹан Республикасы Банкынын әманәтчиләри олан вә о банкын һүгуги вариси “Капитал Банк” АСҸ-дә бу фәрман гүввәјә миндији тарихә шәхси әманәт һесабларынын галыгларыны сахламыш Азәрбајҹан вәтәндашларына вә ја онларын вәрәсәләринә о һесабдакы галыглар нәзәрә алынмагла фәрди бирдәфәлик өдәмәләр верилсин.
Фәрманда нәзәрдә тутулан индексләшмәјә әсасән әманәтчиләр 2000 рубла 300 манат, 5000 рубла 600 манат, 10000 рубла 1000 манат өдәмә алаҹаг.
Мүсават Партијасы бу гәрары чох ҝеҹикдирилмиш, һәддиндән артыг әдаләтсиз вә јарымчыг бир аддым кими дәјәрләндирир.
Мүсават Партијасы һесаб едир ки, фәрманда нәзәрдә тутулан индексләшмә сосиал әдаләтдән принсипиндән тамамилә узагдыр вә әманәтчиләрин алдадылмасына һесабланыб. Тәклиф олунан индексләшмә әманәтчиләрин өз вәсаитләрини ҝери алмаг һүгугларынын кобуд шәкилдә позулмасына сәбәб олмагла јанашы, һәм дә Азәрбајҹан Дөвләт бүдҹәсинин ҝениш имканлары барәдә һакимијјәт нүмајәндәләринин рәсми бәјанатларына зиддир.
Мүсават Партијасы совет әманәтләринин гајтарылмасына даир әдаләтли индексләшмәнин тәтбиг олунмасыны, әманәтчиләрин өз вәсаитләрини ҝери алмаг һүгугларынын ҝерчәк олараг тәмин олунмасыны тәләб едир.
Диггәт: Хәбәрдән истифадә етдикдә мәнбәјә истинад лазымдыр
