Әһли Бејт -АБНА- хәбәр аҝентлијинин вердији хәбәрә әсасән Иран ислам Республикасынын Хој шәһәринин Ҹүмә Намазы хәтиби дејиб: Бакы рәсмиләри гәфләт јухусундан ајылсынлар вә реҝионда ҹәрәјан едән әзәмәтли һадисәләрә нәзәр салсынлар.
ПАНА хәбәр аҝентлијинин мәлуматына ҝөрә, һөҹҹәтүлислам Сејид Рәзи Мусәви Шәкури Хојун ҹүмә намазы хүтбәләриндә рәсми Бакынын мәсҹидләрин бағланмасы, дини мәркәзләрин фәалијјәтинин дајандырылмасы, дини мәрасимләрин кечирилмәсинә иҹазәнин верилмәмәси, мәзлум шиәләрин һәбс вә зиндана салынмасы, Иранын Имдад Хомејини Комитәсинин Бакы офисинин бағланмасы, Ирана мәхсус јүк машынларынын Азәрбајҹана бурахылмамасы вә диҝәр хошаҝәлмәз рәфтарларыны тәнгид едәрәк, дејиб: Азәрбајҹан Республикасы башчыларына хәбәрдарлыг вә төвсијә едирәм ки, АБШ вә Исраилин чүрүк ипи илә гујуја дүшмәсин вә онлара хош ҝәлмәк үчүн атылан јанлыш аддымлардан чәкинсин.
Һөҹҹәтүлислам Сејид Рәзи Мусәви Шәкури әлавә едиб: Сағлам дүшүнҹә вә мәнтиг белә һөкм едир ки, Бакы рәсмиләри гәфләт јухусундан ајылсынлар вә Ислами Ојанышын ҹошгун далғалары гаршысында дајанмасынлар.
Диггәт: Хәбәрдән истифадә етдикдә мәнбәјә истинад лазымдыр
