Әһли Бејт -АБНА- хәбәр аҝентлијинин вердији хәбәрә әсасән АИП Гурана гаршы едилән һөрмәтсизликлә бағлы бәјанат јајыб.
Бәјанатда билдирилир ки, дүнјанын шәр гүввәләри өзләринә мәхсус мүртәҹе антиислам сијасәтини давам етдирирләр. Үздә маскаланараг, инанҹлара ҝуја толерант мүнасибәт бәсләјән АБШ-ын һаким даирәләри ҝаһ кешишләрин, ҝаһ да истилачы әсҝәрләрин әлијлә мүгәддәс Гурани-Кәримә гаршы тәһгирамиз һәрәкәтләрә шәраит јарадырлар.
Азәрбајҹан Ислам Партијасы бу аддымы инсанлыгдан кәнар һәрәкәт, бәшәријјәтә дүшмәнчилик кими гијмәтләндирир. Бизҹә бу, һәм дә инсанлыг үчүн дининдән, иргиндән, миллијјәтиндән асылы олмајараг, дүнјанын бүтүн инанҹлылары үчүн, хүсусән дә Мәһәммәд (с) үммәти үчүн бир имтаһандыр. Гары дүшмән дост олмаз.
Аллаһа гаршы дүшмәнчилик едәнләрин ијрәнҹ нијјәти бәшәријјәтин мәһвидир. АБШ тәмсилчиләринин сивилизасијалар арасы дүшмәнчилијә хидмәт едән аддымлары дүнјаны инкишафа дејил, бөјүк фәлакәтләрә сүрүкләјир. Бу ҝүн әфган халгынын АБШ-ын истилачы, гәсбкар әсҝәринә нифрәт вә гәзәби дүнјанын бүтүн тәрәггипәрвәр, сүлһпәрвәр инсанларынын гәзәб вә нифрәтидир. Үмид едирик ки, зүлм вә истисмар узун сүрмәз. Дүнја халглары тез-ҝеҹ шәр гүввәләринин лајигли ҹавабыны вермәк үчүн вәһдәт тапаҹаг вә фаҹиәләрин сонуна гәрар верәҹәкләр.
Диггәт: Хәбәрдән истифадә етдикдә мәнбәјә истинад лазымдыр
