Әһли Бејт -АБНА- хәбәр аҝентлијинин вердији хәбәрә әсасән сон ҝүнләр Азәрбајҹанда вә дүнјада бир нечә сәс-күјлү һадисәләр гејдә алыныб ки, бунлардан да ән јадда галаны Хоҹалы сојгырымынын төрәдилмәсиндә бирбаша ады һалландырылан Саркисјан, Көчәрјан вә Гукасјанын адынын Азәрбајҹан Парламентиндә апарылан мүзакирәләр заманы 2007-ҹи илдә сијаһыдан чыхарылмасы вә Франсаныны гондарма сојгырымла бағлы мәлум гәрары олду. Сөзүҝедән мәсәләләрлә бағлы Азәрбајҹан Ислам Партијасынын сәдр әвәзи Елчин Манафов ФактХебер.ҹом-ун суалларыны ҹавабландырыб.
- Елчин бәј, Хоҹалы фаҹиәсинин нөвбәти илдөнүмү әрәфәсиндәјик. Бу ҝүнләрдә хариҹдә јашајан азәрбајҹанлыларын спикер Огтај Әсәдова үнванладығы мүраҹиәтдән бәлли олду ки, 2007-ҹи илдә парламентдә мүзакирәләр заманы бу һадисәләрин бирбаша тәшкилатчылары олан Көчәрјан, Саркисјан вә Гукасјанын адлары сәбәбкарлар сијаһысындан чыхарылыб. Бу мәсәлә илә бағлы сизин фикирләринизи билмәк истәрдик.
- Бисмиллаһир Рәһманир Рәһим. Бу бизим үчүн тәзә бир һал дејил. Индијә гәдәр торпагларымызын ишғалындан нечә илләр кечмәсинә бахмајараг, онларын азад олунмасы үчүн һәр һансы бир аддымлар атылмајыб. АТӘТ-ин Минск Групуну да салыблар ортаја нечә илләрдир башымызы бош-бош шејләрлә гатырлар. Орталыгда нәинки, һәр һансы бир мүсбәт нәтиҹә јохдур, һәтта апарылан данышыглар әлејһимизә нәтиҹәләниб. Онларын ермәнипәрәст мөвгеләри өзүнү ҝөстәрир. Әсл гәсбкарлары вә залымлары өрт-басдыр еләмәјә чалышыр.
Ҹинајәткарлары бундан артыг ҝизләтмәк олмаз. Хоҹалы сојгырымыны төрәдәнләр артыг буну едибләр вә тарих дә буна шаһиддир. Бу данылмаз фактлардыр. Амма онларын адларынын гатилләр сијаһысындан чыхарылмасы бир даһа һәгиги мүстәгиллијимизин суал алтында олдуғуну ҝөстәрир. Ҝөрүнән одур ки бу сифаришли бир ишдир. Әҝәр һәгигәтән бизим һеч нәдән чәкинәҹәјимиз олмаса, бу фактлар ҝизләдилмәзди. Вәтәнимизә, милләтимизә бу гәдәр зәрбәләр вуруб, торпагларымызы ишғал алтында сахлајанларын гаршысында зәиф ирадә ҝөстәрилмәси ону ҝөстәрир ки, киминсә нараһат олаҹағындан горхуб бу мәсәләни ағартмырлар.
- Бир нечә ҝүн әввәл Франса сәфирлијинин гаршысында сиз дә аксија кечирдиниз. Анҹаг бир нечә политологун вә ХИН-ин јумшаг бәјанатындан башга башга биз сәрт тәпкиләри ҝөрмәдик. Неҹә дүшүнүрсүнүз, бајаг Хоҹалы сојгырымы илә бағлы адларыны чәкдијимиз шәхсләрин ҹинајәткар кими елан олунмасы бирбаша ҹаваб ола биләрми?
- Нәинки инди бу ҹүр фүрсәт јараныб, мәгамдыр. Елә бу әввәлдән олмалы иди. Нәдән чәкинирләр, нәдән еһтијатланырлар? Аға ағ дејәрләр, гараја гара. Бунларын бизә зијандан башга хејирләри олмајыб. Һәрчәнд биз онлары да мүстәгил билмирик. Онлары да гызышдырыб ортаја салараг милләтләрарасы иғтишашлары јарадыблар. Дүздүр онларын өзләриндә дә иргчилик олуб ки, белә ҹинајәтләр баш вериб. Белә олан һалда нәјә ҝөрә ҹинајәткарларын адлары һалланмамалыдыр. Бир һалда ки, һәлә дә јараларымыз сағалмајыб вә бу ҝүнә гәдәр торпагларымыз ишғал алтындадыр. Чох тәәссүф едирик ки, дөвләт сәвијјәсиндә буна етиразлар олунмады. Һәрчәнд ки, мүәјјән тәшкилатлар өз етиразларыны билдирдиләр. Лакин бу етиразлар чох ҝениш сәвијјәдә һәм халг вә ејни һалда рәсми дөвләт сәвијјәсиндә олмалы иди. Әҝәр ики дөвләт бир милләтиксә, нәјә ҝөрә, гардаш өлкәјә гаршы атылан бу ҹүр аддымлары сәрт ҹавабландырмамалыјыг. Һакимијјәт дәстәк олмаг әвәзинә сусмагла кифајәтләнир. Һәтта бәзи шәхсләр Саркозинин мүдафиәсинә галхараг, онун әмәлләринә һагг газандырырлар. Һалбуки Саркози, гардаш өлкәјә гаршы ачыг-ашкар хәјанәт вә дүшмәнчилик нүмајиш етдирирләр. Бу һаллар бизи нараһат едир вә чох тәәссүфләнирик.
- Билдијимиз кими Ислам Партијасынын Бакы Меријасына гаршы Апеллјасија Мәһкәмәси вар иди аксијалара иҹазә вермәмәси илә бағлы. Анҹаг сиз Франса сәфирлији гаршысында башга бир аксија кечирдиниз. Билмәк истәрдик ки, јенә һансыса аксијаларыныз ҝөзләнилирми?
- Бу ҝүнә гәдәр гануни шәкилдә етираз аксијалары кечирмәк үчүн кифајәт гәдәр мүраҹиәтләр етмишик. Онсуз да ганун бизә мүраҹиәт етмәдән белә аксијалар кечирмәјә иҹазә верир. Лакин биз мүраҹиәт етмәклә гануна бағлылығымыз ҝөстәрмәк истәдик ки, бизи һансыса ганун позунтусунда, асајиш позунтусунда иттиһам етмәсинләр. Етираз аксијалары кечирмәкдә исрарлыјыг вә буну ганун чәрчивәсиндә етмәк истәјирик. Билдијиниз кими Бакы Шәһәр Иҹра Һакимијјәтини, гануни аксија кечирмәк истәјимизин гаршысыны алдығына ҝөрә мәһкәмәјә вермишдик. Јенә биз бу мәсәлә дә исрарлыјыг вә етираз аксијалары кечиртмәк үчүн шәраит ҝөзләјирик. Ганунун бизә вердији һүгуглардан кифајәт гәдәр истифадә етмәк истәјирик. Чүнки биз бу өлкәнин вәтәндашыјыг вә бу ганунлардан истифадә етмәк һүгугумуз вар.
- Бир нечә ај әввәл Зијалылар Форуму адлы бир гурум јарадылды. Вә бир нечә ҹидди сајылаҹаг дәрәҹәдә тәдбирләри кечирилди. Онларын сонунҹу сәс-күјлү бәјанатларындан бири дә 30 минлик аксија кечирмәк истәкләри илә бағлы олду. Азәрбајҹан Ислам Партијасы Зијалылар Форумунун аксијалара гошулмагла бағлы чағырышына ҹаваб верәҹәкми?
- Биз разылашдырылмыш митингин тәрәфдарыјыг. Сон дәфә биз Апеллјасија мәһкәмәсинә мәһз бу мәсәләјә ҝөрә мүраҹиәт етмишдик. Диҝәр тәрәфдән дә бүтүн һагг јолунда апарылан мүбаризәләри, мәхсусән сивил мүбаризәләри дәстәкләјирик, алгышлајырыг.
- Бир мүддәтдир өлкәдә фәалијјәт ҝөстәрән сијаси гурумлардан бири дә Иҹтимаи Палатадыр. Вә бу гурумда кифајәт гәдәр иҹтимаи тәшкилатлар вә сијаси партијалар биләшибләр. Нәзәрә алсаг ки, 2013 өлкәдә президент сечкиси илидир, АИП-ин Иҹтимаи палатада тәмсил олунмаг истәји вармы?
- Бизим һәлә ки, һакимијјәтә гаршы һеч бир иддиамыз јохдур. ИП вә өлкәдә олан бүтүн сағлам гүввәләрин һамысы илә хош мүнасибәтләримиз мөвҹуддур. Ара сыра тәдбирләримизә дәвәт етмишик. АИП-лә бағлы бүтүн гәрарлар партијанын Баш Мәҹлисиндә верилир. Бу барәдә исә һәр һансы бир мүзакирәләр апармамышыг.
- Бәс Ислам Партијасынын президент сечкиләриндә һәр һансы бир намизәди дәстәкләмәк фикри вармы, јохса өз намизәди илә иштирак етмәк истәјир?
- Бу мәсәләләр һаггында јалныз Баш Мәҹлис гәрара верә биләр. Фәрд олараг мәним бу барәдә сәлаһијјәтим јохдур.
Мүсаһибәни һазырлады: Хәјал Шүкүр
Диггәт: Хәбәрдән истифадә етдикдә мәнбәјә истинад лазымдыр
