Рәһман вә Рәһим Аллаһын ады илә!
Һәмд аләмләрин Рәбб олан Аллаһа мәхсусдур!
Аллаһын саламы олсун Ислам Пејғәмбәри (с) вә Онун пак Әһли-Бејтинә (ә)!
20 јанвар фаҹиәси вә 26 феврал Хоҹалы сојгырымы гурбанларына ҝөрә әзиз халгымыза башсағлығы веририк!
Һиҹаб вә һиҹаб гадағасына ҝөрә шәрләнәрәк зиндана салынан азад вә мүбариз дин хадимләримизә вә гардашларымыза саламлар!
Салам, ҹәнаб президент!!
Мәни бу ачыг мәктубу јазмаға вадар едән илк нөвбәдә бир дин хадими кими виҹданымын сәси, икинҹи нөвбәдә исә артыг јанварын 20-дә бир или тамам олан вә ифтихарла хидмәт етдијим “Һиҹаб вә Һиҹаб Гадағасы Мәһбусларыны Мүдафиә Комитәсинин” мәсулијјәтини өһдәмә ҝөтүрмәјимдир. Елә билирәм сизә јаздыгларым, һәр бир инсанфлы руһани, инанҹлы вәтәндашларымызын вә Мүдафиә Комитәси үзвләринин гәлб сөзүдүр. Сәмими, гыса вә ачыг данышмаг истәрдим. Сизә үч мөвзуда гыса хатырлама үнванламаг вә бу мөвзулара ајдынлыг ҝәтирмәк истәдим. Һәр үч мөвзу буҝүнкү ҹәмијјәтимизин вә өлкәмизин индики вә ҝәләҹәк һәјатында чох мүһүм рол ојнајыр.
1.Биринҹи мөвзу биз руһани вә дин хадимләри һаггындадыр. Ислам дүшмәнләринин вә Вәтәнимизин дүшмәнләринин буҝүнкү шәраитдә илк шејтани планларындан бири будур ки, 20 ил мүһарибә шәраитиндә олан бир мүсәлман өлкәсиндә дин хадимләри вә алимләри дөвләтлә гаршы-гаршыја гојмагла һәм әсил Ислам тәблиғатыны зәифләтсинләр, һәм дә өлкәдә мәнәви бир бошлуг вүҹуда ҝәтирсинләр. Доғруданмы сизи инандырыблар ки, хариҹдә тәһсил алмыш (мәгсәдим хүсусилә, Иран Ислам Республикасында) дин алимләри елм вә иманда, Вәтәнә сәдагәтдә хүсуси чатышмамазлыглара вә ја мүхтәлиф шејтани бөһтанлара (ҹасуслуг вә с.) лајиг инсанлардыр?
Ҝөрәсән, бу вахта кими Азәрбајҹан ҝәнҹлијинин фитнә-фәсада, әјјашлыға, гумарбазлыға, гулдурлуға, адам өлдүрмәјә, рүшвәтхорлуға, әдатләтсизлијә, шәһвәтбазлыға вә онларла белә ҹинајәтә дүшмәсинин гаршысынын алынмасында ҹәмијјәтдә кимин ролу даһа мүһүм вә тәсирли олуб? Белә бөһтанлары өзләринә шүар едән вә өзләри өлкәдә ҹаванлара ачыг шәкилдә фәсад шәраити јарадан мәмурларын, јахуд һеч бир вәзифә, рүшвәт, мәгам вә пул ардынҹа олмајан, Иран Ислам Республикасында јүксәк дини тәһсил алан садә, пак нијјәтли вә халис иман әһлиндән олан дин алимләримиз? Биз тарих боју мүгәддәс Нәҹәф, Кәрбәла, Гум, вә Мәшһәд шәһәрләриндә тәһсил алан дин хадимләри илә фәхр етмишик вә инди дә тутдуғумуз бу шәрәфли илаһи јолдан гүрур дујуруг. Бу јолда биз, вәтәнимизин, торпагларымызын вә истиглалијјәтимизин горунмасы уғрунда һәр ан бүтүн вүҹудумуз, варлығымыз вә имканымызла һазырыг! Буну бизә мүгәддәс Исламымыз, Гуранынмыз вә ағамыз Имам Һүсејнин (ә) Кәрбәла мәктәби өјрәдир.
Бизим һаггымызда бундан башга тәрздә фикирләшмәк, Ислама гаршы ән бөјүк бөһтан вә хәјанәтдән башга бир шеј дејилдир. Бизим хариҹдә илаһи елм јолунда чалышыб, мин бир әзијјәтләрә гатлашмағымызын һәдәфи илк нөвбәдә өзүмүзү ислаһ етмәк, Аллаһымыза ән камил бәндә олмаг вә мүсәлман халгымызын мәнәвијјатынын кешијиндә дајанмагдыр. Бу һәдәфә Гуранда да ишарә олунур: “Һеч олмаса, һәр тајфадан бир дәстә (елм өјрәнмәк, сонра да ону дин гардашларына өјрәтмәк үчүн) галсын ки, ҹамааты (дөјүшдән) гајытдығы заман онлары (Аллаһын әзабы илә) горхутсун. Бәлкә, онлар (әлдә етдикләри биликләр сајәсиндә јарамаз ишләрдән, налајиг һәрәкәтләрдән) чәкинсинләр!” (Төвбә, 122)
Мәнә елә ҝәлир ки, әтрафыныздакылар сизә артыг әминлик дәрәҹәсиндә чатдырыблар ки, исламчылар хүсусилә, Иран Ислам Республикасында тәһсил алан дин алимләринин һакимијјәтдә олмаг иддиасы вар. Она ҝөрә дә өлкдә рәсми шәкилдә Исламын инкишафынын гаршысыны алмагдан өтрү бүтүн програмлар ишә салыныб вә сиз шәхсән белә програмлара имза да атмысыныз.
Ики ҹүмлә илә бу иддианын ҹавабыны вермәк истәрдим. Әввәла, әҝәр мүсәлман халгымыз өлкәдә Ислам ганунларынын, Гуранын ҝөстәрдији јолла ҝетмәсини өзләри сечим кими гәбул етсәләр тәбии ки, исламчылар да мүсәлман халгын хидмәтчиси олмаға вәзифәлидирләр. Өлкәнин сијаси вә иҹтимаи сәһнәсиндә фәалијјәт коститусијамыза ҝөрә там шәкилдә азаддыр.
Икинҹи ҹаваб вә һәгигәт будур ки, Гуран вә Әһли-бејт (ә) мәктәбиндә һакмијјәт, вәзифә вә дүнја малына бахыш ағамыз, мөвламыз Әмирәл-мөминин Имам Әлинин (ә) бујурдуғу кимидир. О Һәзрәт вәзифә, һакимијјәт вә дүнја һаггында белә бујурур: «Аллаһа анд олсун, бу ајаггабы (өз јамаглы ајаггабысыны ҝөстәрир) сизләрә рәһбәрлик вә әмирлик етмәкдән мәним үчүн даһа гијмәтлидир. Лакин (мән әмирлији вә һакимијјәти она ҝөрә гәбул етдим ки)һаггы сүбут етмәли, батили арадан ҝөтүрмәлијәм». (Нәһҹүл-Бәлағә; Хүтбә, 33)
2.Диггәтинизә чатдырмаг истәдијим икинҹи мөвзу, Һиҹаб – даһа доғрусу ана-баҹыларымызын вә гызларымызын баш өтрүјү мәсәләсидир. Јахшы билирсиниз ки, бизим лүғәтимиздә гејрәт, намус, шәрәф кими терминләр вар. Бу терминләрин әсас көкү Гуранда вә Исламдадыр. Ислам дининдә гејрәт вә намусун чох ҝениш мәналары вардыр. Гејрәт, намус вә шәрәфин ән ашағы мәртәбәси аиләдә, әр-арвад мүнасибәтләрдән вә баш өтрүјүндән тутумуш, ән јүксәк сәвијјәси исә дин, торпаг, мүтәгиллик вә дөвләтчилик сәвијјәсинә гәдәр ҝедиб чатыр.
Сизин мәмурларыныз ола биләр һәлә дә хәбәрсиздир ки, Исламда өрпәк вә ја баш өртүјү һәр бир мүсәлман гыза доггуз јашындан ваҹиб олур. Јәни артыг орта мәктәбдә икинҹи синифдә охујан доггуз јашлы гыз шаҝирд Аллаһын ваҹиб бујурдуғу бу баш өртүјүнә әмәл етмәк истәсә, һеч бир ганун вә ја тәһсил назири о гызын башыны ачмаға ихтијарлы дејил. Чүнки, бу гызҹығазын өзү вә јахуд онун валидејнләри өз гызларыны (өвладларыны) мүсәлман олараг, Аллаһ-Тааланын бујруғу әсасында тәлим-тәрбијә едиб, бөјүтмәк истәјирләр. Бунун да, Исламда өз хүсуси, һикмәт вә фәлсәфәси вардыр.
Мән онлардан јалныз бирини сизин нәзәринизә чатдырмаг истәјирәм. О да будур ки, гызлар ҝәләҹәјин аналарыдыр вә онларда инкишаф илаһи гануна әсасән чох сүрәтлә ҝетдијинә ҝөрә доггуз јашындан һәм ибадәт, һәм дә баш өтрүјүнә риајәт етмәлидирләр. 17-18 јашында аилә һәјаты гурмаг һаггында фикрләшмәјән ҝәнҹ оғланларын әксинә олараг, бу јашдакы гызларын әксәријјәти истәр-истәмәз аилә һәјаты гурараг, јашајышларына давам едирләр. Бах, бу фәргә ҝөрә Аллаһ-Таала доггуз јашындан башлајараг гыз ушагларынын мәнәвијјатынын горунмасыны ваҹиб бујрур. Он сәккиз јашындан сонра алиә һәјаты гуран ҝәнҹ гызын мәнәвијјатыны сонрадан исламлашдырмаг вә ја мөһкәмләшдирмәк чох чәтиндир. Јәни Ислам аилә һәјаты гурана гәдәр, јәни доггуз јашындан он сәккиз јашына гәдәр мүддәти гызларын мәнвијјаты илә даһа чох мәшғул олмағы төвсијә едир. Белә олан һалда 18 јашлы Ана артыг тәзәҹә дүнјаја ҝәтирдији өвладына Ислам тәрбијәси вә мәнвијјатыны ашыламағы даһа јахшы баҹарыр. Белә Аналарын оғуллары милли гәһрәманымыз Шәһид Мүбариз кими олур.
Мәмурлар ја биләрәкдән, ја да билмәјәрәкдән, өлкәдә бир илдир ки, баш өтрүјү мүһарибәси апарыр. Буна ҝөрә дә бу ҝүн бизим гырх нәфәрә јахын мүбариз, шүҹаәтли, гејрәтли дин хадими вә ҝәнҹ наһагдан, шәрләнәрәк зинданлара атылыб. Бу мөвзуда бир ил мүддәтиндә өлкәдә орта мәктәбләрдә гејри-рәсми баш өртүјү гадағасы һөкм сүрүр. Мүсәлман халгымыз илк ҝүндән истисна олмадан бүтүн шәһәрләрдән дәстәләр шәкилиндә имза топлајараг сизә јәни, президент апаратына үнванлајыблар. Бу етриаз вә гејри-рәсми мәктублар јүз минләрлә олуб. Сон
