Инсан гәдәм ҝөтүрүрсә демәк газанмаг мәгсәди вар. Диндар ахирәт, атеист дүнја үчүн бир шеј әлдә етмәк истәјир. Бизим һакиијјәт бир будагда ики гуш ҝөрмәсә әлинә түфәнҝ алмаз. Еуровисионда мәгсәд нәдир?
Јазырлар ки, “Еуровисион 2012" мүсабигәсинин Азәрбајҹанда кечириләҹәји бәлли оланда һөкумәтин бу тәдбирдән дә коррупсија әмәлијјатлары үчүн истифадә едәҹәји еһтимал олунду. Јәни бир иш бүдҹә ајрылмалыдыр ки, һәмин бүдҹәдән оғурлаја биләсән. Даһа сонра јарышмаја һазырлыг ады илә һәјата кечирилән тәдбирләр еһтималлары доғрултмаға башлады. Бу мәгсәдлә һөкумәтин нә гәдәр пул ”силәҹәји" бәлли олду. “Мир” телерадиоширкәти Азәрбајҹанын “Еуровисион 2012" маһны мүсабигәсинә неҹә һазырлашмасы илә бағлы репортажында хәрҹләрә хүсуси диггәт ајырыб.
Репортажда гејд олунуб ки, Азәрбајҹанын Малијјә Назирлијинин һесабламаларына ҝөрә, “Еуровисион”а һазырлыға дөвләт бүдҹәсиндән 1 милјард доллар хәрҹләнәҹәк. Шүбһәсиз ки, бу кими тәдбирләрин вә мүсабигәләрин кечирилмәси өлкәјә турист ахыны вә әлавә ҝәлирләрин ҝәлмәси бахымындан сәрфәлидир. Лакин хәрҹләрин мәбләғи ону демәјә әсас верир ки, Азәрбајҹан бу мүсабигәдән “зијанла” чыхаҹаг. Чүнки һеч бир һалда 3-4 ҝүн давам едән мүсабигәнин өлкәмизә бир милјард ҝәлир ҝәтирәҹәји мүмкүн дејил. Бунун үчүн башга өлкәләрин нүмунәсинә дә диггәт јетирмәк кифајәтдир.
Мәсәлән, һесабламалара ҝөрә, Осло “Еуровисион”а тәхминән 17 милјон авро, 2008-ҹи илдә Сербија мүсабигәнин тәшкилинә 10 милјон авродан аз, 2007-ҹи илдә Финландија 14 милјон авро, 2006-ҹы илдә Јунаныстан 12 милјон авро, 2005-ҹи илдә Украјна 22 милјон авро хәрҹләјиб. Алманија исә индики ана рекорд мәбләғ - 47 милјон авро хәрҹләјиб. Дүсселдорфдакы јарышма өлкә бүдҹәсинә 140 млн авро ҝәлир ҝәтириб. Москваја исә бу мүсабигә 35 милјон авроја баша ҝәлиб. Анҹаг ҝәлирләр хәрҹләрдән хејли аз олуб. Чүнки Авропа Јајым Шурасы Русијаја бу мәбләғин ҹәми 10 фаизини өдәјиб.
Мүсабгә заманы Азәрбајҹана хејли сајда туристин ҝәләҹәји ҝөзләнилир. Һәтта рекорд сајда туристин ҝәлиб өлкәдәки баһалы хидмәтләрдән истифадә етмәси белә хәрҹләнән, даһа доғрусу “силинән” бир милјард манаты өдәмәјәҹәк. Бу да бир даһа ону демәјә әсас верир ки, һөкумәт бу јарышмадан да өлкәнин мәнафеји, вәтәндашларынын рифаһы дејил, шәхси мараглары үчүн истифадә етмәјә һазырлашыр.
Бәс Бакы кәндинин худасы (мери) Абуталыбов мүәллим нә үчүн белә ҹан јандырыр?
Јанварын 25-дә “Еуровисион” Маһны Мүсабигәсинин ачарынын тәгдиметмә мәрасими кечириләҹәк. Бу тәдбир бејнәлхалг мүсабигәнин әсас мәрасимләриндән биридир. Она ҝөрә дә тәнтәнәли шәкилдә “Бута Палаҹе”да реаллашаҹаг . Тәдбирдә “Еуровисион-2011"ә ев саһиблији етмиш Дүсселдорф шәһәринин мери Дирк Елсберс мүсабигәнин рәмзи ачарыны Бакы Шәһәр Иҹра Һакимијјәтинин башчысы Һаҹыбала Абуталыбова тәгдим едәҹәк. Бунунла да Бакы ”Еуровисион 2012"јә ев саһиблијини рәсмән гәбул едәҹәк.
Гејд едәк ки, Авропа Шурасы Јерли вә Реҝионал Һакимијјәтләр Конгреси Гафгазда, о ҹүмләдән Азәрбајҹанда шәһәр мерләринин сечки јолу илә мүәјјәнләшдирилмәси мәсәләсини һәлә бир нечә ил өнҹә ирәли сүрүб. Артыг Ермәнистанда вә Ҝүрҹүстанда сечилмиш мерләр фәалијјәт ҝөстәрир. Азәрбајҹанда исә индијәдәк Бакы шәһәр рәһбәрлији өлкә президенти тәрәфиндән тәјин едилир.
Өтән илин декабрында Милли Мәҹлисдә Бакы мери Һаҹыбала Абуталыбовун јарытмаз фәалијјәти, о ҹүмләдән шәһәр меринин сечки јолу илә тәјин едилмәси мәсәләләринин мүзакирәси ҝөзләнилсә дә, бу, олмады. Мәтбуатда да дәфәләрлә Һ.Абуталыбовун вәзифәдән ҝедәҹәји һагда мәлуматлар дәрҹ олунуб. Лакин мај ајына чох аз вахт галыб вә Һ.Абуталыбовун тутдуғу вәзифәдән азад олунаҹағы ҝөзләнилән дејил.
Һазырда Һ.Абуталыбов “Еуровисион” сәһнәсиндә чыхыш үчүн инҝилисҹә дејәҹәји бир нечә ҹүмләни дүзҝүн аксентлә әзбәрләмәјә чалышыр. Бунун үчүн 2 мүтәхәссис дә ҹәлб олунуб. 68 јашлы мерин дил мәнимсәмә проблеми вар. Лакин мараглыдыр, Һ.Абуталыбов “Еуровисион” сәһнәсиндә өз дилимиздә чыхыш едә биләрми? Инҝилис, јахуд һансыса јабанчы дилдә данышмаг шәртдирми? Бундан әввәл инҝилисдилли олмајан өлкәләрдә бу мәсәлә неҹә һәлл олунуб?
Бүтүн бунлар бир јана, Абуталыбов мүәллимин марағы ајдын олур. Онун талеји өлкә башчысынын әлиндәдир. Сечкијә галса бу адама һеч колхоз базарыны да тапшырмаг олар.
Амма чох мараглы олаҹаг, һәм дә рүсвајчы. Дүсселдорф шәһәринин мери Дирк Елсберс үчүн нә вар ахы, онсуз да Алманијада мавиликлә кимсәни тәәҹҹүбләндирмәк олмаз. Мавилик гәбаһәт дә сајылмыр. Амма Абуталыбов? Инанмаг олмур ки, бу ағсаггал адам мавиләрин тәдбириндә утаныб-сыхылмајаҹаг. Нә гәдәр олмаја Азәрбајҹанда һәлә КИШИләрә һөрмәт вар. Гадынлара да һөрмәт вар, амма әсил гадынлара вә әсил кишиләрә. Даһа гадын палтары ҝејмиш еуровисиончулара јох!
Бакыхан
Диггәт: Хәбәрдән истифадә етдикдә мәнбәјә истинад лазымдыр
