Әһли Бејт -АБНА- хәбәр аҝентлијинин вердији хәбәрә әсасән: “Ермәни сојгырымы”ны инкар едәнләрин ҹинајәт мәсулијјәтинә ҹәлб олунмасы һаггында ганун лајиһәсини Сенатда мүзакирәјә чыхармаг истәјән Франсадан Түркијәјә гаршы нөвбәти зәрбә.
Франсанын дөвләт башчысы Никола Саркози бу мүзакирәләри белә ҝөзләмәдән Түркијәнин Авропа Бирлијинә үзвлүк мүддәтинә тәсир едә биләҹәк башга бир аддым атыб. Белә ки, Никола Саркози гондарма сојгырымы инкар едәнләрин ҹәзаландырылмасыны нәзәрдә тутан ганунун Авропа Бирлији өлкәләриндә дә тәтбиг едилмәси үчүн дүјмәјә басыб. АНС ПРЕСС-ин "Һүрријјет" гәзетинә истинадла вердији мәлумата ҝөрә, әҝәр ганун лајиһәси гәбул едилсә, гондарма ермәни сојгырымыны инкар едәнләр АБ дахилиндә 1-3 ил арасы һәбс ҹәзасы алаҹаг.
Франса Авропа Бирлијинин "Чәрчивә гәрары"ндан истифадә едәрәк “Ермәни сојгырымы”ны инкар едәнләрин ҹинајәт мәсулијјәтинә ҹәлб олунмасы һаггында ганун лајиһәсини АБ дахилиндә тәтбиг етмәк истәјир.
Гејд едәк ки, адычәкилән "Чәрчивә гәрары" 2007-ҹи 17 апрел тарихиндә Авропа Бирлији Мәһкәмә вә Дахили Ишләр Шурасы тәрәфиндән иргчилик вә шовинизмлә мүбаризә мәгсәди илә гәбул олунуб. Гәрар Авропа Бирлијинә үзв дөвләтләр гаршысында јәһуди сојгырымынын инкарына ҝөрә ҹәзаландырманы нәзәрдә тутан гајдалар гәбул едилмәсини шәрт гојур. Бу гәрар 2001-ҹи илдән мүзакирә едилиб вә Алманијанын АБ-јә рәһбәрлији дөврүндә гәбул едилиб.
Парисдән ҝөндәрилән тәлиматдан сонра Франсанын Брүсселдәки рәсмиләри вә дипломатлары АБ комиссијасы нәздиндә ишләрә башлајыблар.
Хатырладаг ки,гондарма сојгырымы инкар едәнләрин ҹәзаландырылмасы һаггында ганунун 23-31 јанвар арасы Франса Сенатынын ҝүндәминә тәгдим олунмасы нәзәрдә тутулуб.
Диггәт: Хәбәрдән истифадә етдикдә мәнбәјә истинад лазымдыр
