Әһли Бејт -АБНА- хәбәр аҝентлијинин вердији хәбәрә әсасән: “Иран Ислам Республикасы Президент Администрасијасыным бејнәлхалг әлагәләр шөбәсинин баш директору Мәһәммәдрза Фургани ачыгламасында дејиб: “Иран Ислам Республикасы президенти Маһмуд Әһмәдинежад Латын Америкасы өлкәләринә беш ҝүнлүк сәфәрә јола дүшүб”.
О билдириб ки, ҹәнаб Әһмәдинежадын илк сәфәри Венесуелаја олаҹаг: “М.Әһмәдинежад сабаһ Теһрандан Каракаса учаҹаг вә орада Венесуалеанын президенти Уго Чавеслә ҝөрүшәҹәк. Президентләрин икили ҝөрүшмәсиндә Иран-Венесуела әлагәләринин даһа да инкишаф етдирилмәси, реҝионал, һәмчинин бејнәлхалг мәсәләләр мүзакирә едиләҹәк”.
Мәһәммәдрза Фуркани әлавә едиб ки, Иран Ислам Республикасы президенти даһа сонра Никарагуа, Куба вә Еквадор өлкәләринә дә сәфәр едәҹәк: “М.Әһмәдинежадын диҝәр дөвләтләрә сәфәриндә дә өлкәләр арасында әлагәләрин вә әмәкдашлығын даһа да инкиашф етдирилмәси кими мәсәләләр мүзакирә едиләҹәк”.
Гејд едәк ки, М.Әһмәдинежадын Латын Америкасы өлкәләринә сәфәри Иран Ислам Республикасынын бөлҝә дөвләтләри илә әлагәләринин инкишаф етдирилмәси мәгсәди дашыјыр. АБШ вә Авропалы рәсмиләр Иран Ислам Республикасы президентинин бу сәфәрдән бәрк һүркүјә дүшдүкләрини ҝизләтмирләр.
Диггәт: Хәбәрдән истифадә етдикдә мәнбәјә истинад лазымдыр
