Әһли Бејт -АБНА- хәбәр аҝентлијинин вердији хәбәрә әсасән: Бу ҝүн 12 радәләриндә Сабирабад Рајон Иҹра Һакимијјәтинин гаршысында етираз аксијасы кечирилиб.
Аксијада 200-гәдәр вәтәндашын иштирак етдији билдирилир.
Етиразчыларын әсас тәләби Күр дашгынлары заманы зәрәрчәкмишләрә өдәниләҹәк олан компенсасијаларын һәлә дә өдәнилмәмәси вә бәзи мәмурлар тәрәфиндән бу компенсасијаларын мәнимсәнилмәсидир.
Мәлуматда билдирилир ки, «Туран» Информасија Аҝентлијинин директору Меһман Әлијев вә «Күр» Вәтәндаш Ҹәмијјәтинин сәдри Огтај Ҝүлалыјев һазырда Сабирабаддадыр. Полис наразы әһалинин онларла ҝөрүш кечирмәсинә имкан вермир. Гејд олунур ки, полис «Күр» Вәтәндаш Ҹәмијјәтинин наразы зәрәчәкмишләрлә нәзәрдә тутлан ҝөрүшүнә имкан вермәјиб. Буна ҝөрә дә инҹидент јараныб.
Бир нечә нәфәрин полис тәрәфиндән сахларынлмасы һаггында мәлумат верилиб.
Наразы әһали Әсҝәрбәјли кәндинә доғру ирәлиләјиб. Аксијада иштирак едәнләрин сајынын 300 өтдүјү билдириб.
Сабирабад полис бөлмәсиндән билдирилиб ки, «Кур» Вәтәндас Ҹәмијјти илә наразы әһалинин нәзәрдә тутулан ҝөрүшүнүн дағыдылмасынын әсас сәбәби һәмин ҝөрүшдә кечмиш спикер Рәсул Гулијевин елан етдији «Мүгавимәт Һәрәкаты»нын Сабирабад бүросунун јарадылмасынын гаршысынын алынмасы олуб. Полисин бу гәнатә ҝәлмәсинә сәбәб исә Сабирабада гоншу рајонлардан дахил олан автомобилләрдән ҝөј лент асылмасы олуб.
Диггәт: Хәбәрдән истифадә етдикдә мәнбәјә истинад лазымдыр
