Әһли Бејт -АБНА- хәбәр аҝентлијинин вердији хәбәрә әсасән: Илаһијјатчы алим Һаҹы Намиг Бабахан СаламНеwс-а ачыгламаҹында дејиб: "Чох тәәссүф ки, 2011-ҹи ил дини саһәдә вә диндарларла игтидар арасында ҹидди ҝәрҝинлик јени илә дә өтүрүлдү".
О билдириб: "Истәмәздим, 2012-ҹи ил дә дини ҝәрҝинликлә јадда галсын. Ҝедишатдан бәлли олур ки, игтидар дини саһәдә јанлыш сијасәтини вә ја сијасәтсизлијини давам етдирмәк нијјәтиндәдир. Әлбәттә, әҝәр белә олса, јени ил дә ҝәрҝинликләрлә долу олаҹаг. Амма мән буну һеч арзуламырам вә инанырам ки, игтидар ән бөјүк вә тарихи сәһви олан мәктәбләрдә диндар гыз шаҝирдләринин мәктәбли формасына һиҹабы әлавә едәҹәк, диҝәр дини саһәдә олан проблемләри ислаһ едәҹәк вә јени илдә ҝәрҝинлик олмајаҹаг".
Онун сөзләринә ҝөрә, Бакыда мәктәбли формаларынын тәтбиги вә диндарларын өвладларынын, һиҹаблы гиз шаҝирдләрин баш өртүјүнүн нәзәрә алынмамасы 2010-ҹу илн сонларындан игтидарла инанҹлылар арасында ҹидди ҝәрҝинлик вә учурум јаратды, азана гадаға, мәсҹидләрин сөкүлмәси просесинин давамы кими мәктәбләрдә һиҹаба гадаға гојулду, бу ҝәрҝинлик ил боју давам етди, һәбсләр, ганунлара мүртәҹе әлавәләр вә саир ҝөстәрир ки, инанҹлы кәсимлә һазырки игтидар арасында ҝәрҝинлик вар. Кимләрсә бу ҝәрҝинлијин сахланылмасында мараглыдыр.
Н.Бабахан вурғулајыб: "Проблеми игтидар һәлл етмәлидир, ҝәрҝинлијин гаршысыны алмалыдыр. Сөзсүз ки, диндарларда сәбр, тәмкин вә һүгуг мүстәвисиндә мүбаризә апармалыдырлар".
Диггәт: Хәбәрдән истифадә етдикдә мәнбәјә истинад лазымдыр
