Әһли Бејт -АБНА- хәбәр аҝентлијинин "Араннеwс"а истинадән вердији хәбәрә ҝөрә, Бакы дөвләти анти-Ислам сијасәтләрини гаршысына мәгсәд гојдуғундан чохдандыр ки, Азәрбајҹан Республикасы диндарлары илә гаршылашыр. АИП сәдри кими өлкәнин нүфузлу диндарларынына узун мүддәтли һәбс ҹәзасы вермәк јолу илә халгынын, хүсусилә дә ҹаванларын Ислама гаршы һәр ҝүн артан тәмајүлүнүн гаршысыны ала билмәдикдә өз сон аддымыны атды вә ҝүлүнҹ ссенариси илә өлкә халгынын јанында исламчыларын чөһрәсини ләкәләмәјә чалышды. Бакы дөвләти бу ссенарини һәјата кечирмәк үчүн беш ил бундан өнҹә Пејғәмбәри (с) тәһгир етмиш азәри мүртәд Рафиг Тағыјевә һәмлә етмәји планлашдырды вә шәнбә ҝүнү (19 нојабр) өз адамлары васитәсилә буну иҹра етди. Һал-һазырда КИВ вә бәзи дөвләт даирәләри бу мәсәләдә исламчылары ҝүнаһландырмаға чалышырлар.
Бакы дөвләти бу ссенарини планлашдырмасы илә исламчыларын чөһрәсини ләкәләјә биләҹәјини вә онларла гаршылашмаг үчүн бәһанә јарадаҹағыны дүшүнүр. Һәгигәт будур ки, АР исламчылары кечән сон бир илдә дини мәһдудијјәтләрә етиразла јанашы, һәтта витурал аләмдәки фәалијјәтләриндә белә һәр ҹүр гејри-гануни һәрәкәтдән узаг олублар. Буна мисал олараг Ислам Партијасынын аксија кечирмәк үчүн дәфәләрлә иҹра һакимијјәтинә мүраҹиәт етмәсини вә һәр дәфә дә иҹра һакимијјәтиндән онлара рәдд ҹавабынын верилмәсиндән сонра бу партијанын сәбр етмәсини ҝөстәрмәк олар.
Бакы дөвләти ислами ојаныш илә ејни заманда бир тәрәфдән һәбс едилмиш АИП сәдринин вә исламчылыг һәрәкатынын халг арасында мәһәббәтинин артмасындан горхур, диҝәр бир тәрәфдән дә исламчыларла гаршылашмаг үчүн һеч бир бәһанәси јохдур. Чүнки бундан габаг ҝәтирдији бәһанәләринин һеч бир тәсири олмады. Она ҝөрә дә тәбиидир ки, белә бир ссенарини һазырламагла исламчыларла гаршылашмаг үчүн бәһанә ахтарыр.
Експертләр белә дүшүнүр ки, ПКК вә ПЖАК кими террорчу тәшкилатларын үзвләринин Азәрбајҹанын Ҝәнҹә шәһәриндә јерләшдирилмәси хәбәринин јајылмасы, медијанын бу мәсәләјә һәссаслыгла јанашмасы вә Иран Ислам Парламентинин бу мәсәләјә мүнасибәти Бакы дөвләтини чыхылмаз вәзијјәтдә салды. Она ҝөрә дә бу ссенарини планлашдырмаг вә ону тәглид мәрҹәләринин Рафиг Тағыјевин барәдә вердикләри фәтва илә әлагәләндирмәклә үмуми фикри јајындырмаға вә Иран хариҹи сијасәт рәсмиләрини ПКК вә ПЖАК-ын Азәрбајҹандакы һүзуруну изләмәси фикриндән дөндәрмәк истәјирләр.
Әлбәттә, Бакы дөвләти бу ссенаринин планлашдырылмасы вә иҹрасында тәләскәнлијә јол вердији үчүн бәзи мәсәләләрә диггәт етмәмишдир. О ҹүмләдән, Бакы медиасы фәалларынын дедикләринә ҝөрә Рафиг Тағыјев сионистләрин сифариши илә "Авропа вә биз" мәгаләсини Сәнәт журналында чап етдирдикдән сонра 2006-ҹы илдән бу вахта гәдәр сионист режимин тәһлүкәсизлик гүввәләри тәрәфиндән горунуб. Она ҝөрә дә она һәмлә етмәк мүмкүн олмајыб.
Бу мөвзуда диҝәр бир мәсәлә будур ки, истәр гәрбјөнүмлү, истәрсә дә исламчылар тәрәфиндән кечирилән ән кичик аксијада иштирак едәнләрин һәр бирини шәһәрдә гурашдырылмыш камералар васитәсилә арашдырыб таныјан полис вә тәһлүкәсизлик гүввәләри бу дәфә бычаглајан шәхси танымаға мүвәффәг олмајыб.
Сонда гејд олунмалы мәсәлә будур ки, Бакы дөвләти АР исламчылары илә мүгабилә етмәк мәгсәдилә ҝүлүнҹ һәрәкәтләрә әл атмагданса, онларла бирләшәрәк Гарабағы вә өлкәнин диҝәр ишғал олунмуш әразиләрини гајтармаға чалышсын.
Диггәт: Хәбәрдән истифадә етдикдә мәнбәјә истинад лазымдыр
