Әһли Бејт -АБНА- хәбәр аҝентлијинин вердији хәбәрә әсасән: Ҝүрҹүстанын “Казбеҝи Ҹоффее” ширкәти өлкә әразисиндә ҝүрҹү кофесинин габлашдырылмасыны рәсмән дајандырыб. Бу барәдә “Тһе Финанҹиал” нәшринә мәлумат верән ширкәт рәһбәри Ваја Бурдули билдириб ки, ермәни идхалчылары Ҝүрҹүстан базарында инһисарчылыг јарадыб.
Хатырладаг ки, адычәкилән ширкәт “Казбеҝи” пивә консернинин бир голудур. В.Бурдули мүсаһибәсиндә өлкә ганунвериҹилијини тәнгид едәрәк Ҝүрҹүстан базарында игтисадијјат назирлијинин антиинһисар гајдаларынын ишләмәдијини вурғуламышды. Јерли истеһсалат ширкәтләринин бөһранда олдугларыны ачыглајан Бурдули дејиб: “Бүтүн пул вә ҝәлирләр Ермәнистана ахыр. Бизим рәгабәтимиз үчүн бәрабәр имканлар галмајыб”.
Ширкәт рәһбәринин фикринҹә, ермәниләр дүзҝүн ојун апармыр вә әсл ҝүрҹү кофесинин базарда ашағы кејфијјәтдә олдуғу барәдә шајиә јајырлар.
Гејд едәк ки, Ҝүрҹүстанын игтисадијјат вә давамлы инкишаф назири Вера Кобалија бу ил нојабрын 7-8-дә Ермәнистанда сәфәрдә оларкән Ермәнистанын бизнес-сектору үчүн бүтүн имканларын јарадылаҹағыны бәјан етмишди. Баш назир Николоз Гулаури исә нојабрын 18-дә Батумидә кечирилән Ҝүрҹүстан-Ермәнистан игтисади әмәкдашлыг үзрә һөкумәтләрарасы комиссијасынын иҹласында ермәни һәмкары Тигран Сәркисјанла ҝөрүшәрәк Ирәванын рәсми Тифлисин әсас тәрәфдашларындан олдуғуну билдириб.
Гејд едәк ки, Ҝүрҹүстан кофесинин Азәрбајҹан базарларына 15 фаиз һәҹминдә ҝәтирилдији билдирилсә дә ҝөмрүкдәки мәнбәмизин мәлуматына әсасән, Тифлисдән Азәрбајҹана гачагмалчылыг јолу илә 70 фаизәдәк кофе ҝәтирилир. Ону да нәзәрә алаг ки, “ҝүрҹү кофеси” ады илә Азәрбајҹана ермәни кофеси дашыныр. Бу, ермәниләрин өлкәмизин базарларына дахил олмаг үчүн илк ҹәһдләри дејил.
Бир мүддәт әввәл јазмышдыг ки, ишғал олунмуш Әсҝәран рајонунда јерләшән “Артсах бренд ҹомпанј”нин истеһсалы олан “Еау-де-вие” түнд алкогол ичкиси Москвадан Бакыја ҝәтириләрәк базарларда сатылыр. Бу мәлуматы ширкәтин коммерсија директору Тигран Амбартсумјан да тәсдигләмишди. О, гәзетимизә ексклүзив мүсаһибәсиндә демишди ки, башчылыг етдији ширкәтә мәхсус алкоголлу ичкиләри Москвада јашајан азәрбајҹанлылар сифариш едиб. Лакин тәбии ки, мүһарибә шәраити олдуғундан рәсми сүрәтдә һеч бир һүгуги шәхс дашынма тәклифи илә мүраҹиәт етмәјиб. “Азәрбајҹана Гарабағ ичкиләри дашынырса, тәбии ки, бунлар гачагмалчылыг јолу илә ҝәтирилир” - дејә о билдирмишди. Амбартсумјан һәмчинин алкогол ичкиләринин Ирәван-Тифлис-Бакы маршруту илә дашынмасыны да истисна етмәмишди. Индијәдәк ермәни малларынын Азәрбајҹан базарларында вә әксинә, Азәрбајҹан малларынын Ермәнистанда сатылмасы һагда бир нечә факт олуб. Мәсәлән, 2009-ҹу илин декабрында “Бинә” тиҹарәт мәркәзиндә “Артсах” тиҹарәт нишанлы гадын ҝејимләри тапылмышды. Елә һәмин 2009-ҹу илдә Стандартлашдырма, Метролоҝија вә Патент үзрә Дөвләт Комитәсинин Масаллы рајонунда кечирилән рејддә ермәниләрә мәхсус “Севан” ширкәти истеһсалы мејвә, ширнијјат вә десерт мәһсуллары ашкар едилмишди. 2002-ҹи илин ијунунда МТН тәрәфиндән јајылмыш мәлуматы да јада салмаг олар. “Ҹаспиан Фисһ” ширкәти Ермәнистана гачагмалчылыг јолу илә балыг мәһсулларынын ихраҹында иттиһам олунмушду. Вә ја һеч кимә сирр дејил ки, 2004-ҹү илдән башлајараг Ермәнистандан Азәрбајҹана Ҝүрҹүстан васитәсилә тәрәвәз (кәләм, көк, картоф вә с.) ҝәтирилир.
Диггәт: Хәбәрдән истифадә етдикдә мәнбәјә истинад лазымдыр
