Әһли Бејт -АБНА- хәбәр аҝентлијинин вердији хәбәрә әсасән: Сон илләр Азәрбајҹанда бошанмаларын сајында артым мүшаһидә олунур. Бу, Азәрбајҹанын бејнәлхалг аләмә интеграсија олунмасынын вә Гәрбдән ҝәлән далғанын нәтиҹәсидир.
Бу сөзләри Симсар.аз-а ачыгламасында Милли Мәҹлисин Сосиал сијасәт комитәсинин сәдр мүавини Муса Гулијев билдириб.
О дејиб: "Азәрбајҹан вәтандашлары Авропа өлкәләринә ҝедир, орда тәһсил алыр, Гәрб мәдәнијјәтини әхз едир. Өлкәјә гајытдыгдан сонра һәмин мәдәнијјәти аиләләриндә тәтбиг етмәјә башлајырлар. Бу да сонда пис нәтиҹәләр верир. Дүздүр, Гәрб өлкәләриндә јашајан инсанларын вәтандаш ниҝаһы вар, лакин онларын гәбул етдикләри ниҝаһ бизим милли менталитетә ујғун дејил".
Депутат билдириб ки, бу проблемин һәлл олунмасы үчүн һөкүмәт, о ҹүмләдән мүвафиг гурумлар лазыми ишләр ҝөрмәлидирләр. Онлар оптимал вариантлар сечиб, маарифләндириҹи тәдбирләр һәјата кечирмәлидирләр.
Диггәт: Хәбәрдән истифадә етдикдә мәнбәјә истинад лазымдыр
