Мәһәррәм ајында һәр мүсәлман деди-году, мүнагишә, кимисә инҹитмәк, хәтринә дәјмәк кими әмәлләрдән чох узаг олмалыдыр. Һабелә, сөз-сөһбәт, мүнагишә, инҹимә, күсмәјә сәбәб олаҹаг фитнәдән дә узаг дурмаг ҝәрәкдир.
Унутмајын ки, Ашура ҝүнү Имам Һүсејн (ә) вә онун 72 тәрәфдары Кәрбәла дүзүндә шәһид олду. Һәмин ҝүн Ислам дининдә һәм матәм, һәм дә Исламын гәләбә чалдығы ҝүндүр. Һәмин ҝүн Исламын неҹә бөјүк дин олдуғуну ҝөстәрир. Анҹаг бу ҝүн Азәрбајҹанда Ашура ҝүнү јүрүшә чыхан мүсәлманларын јүрүшү гадаған олунур.
Мүсәлманлар ҝөзәл шәкилдә билирләр ки,Ашура ҝүнүнүн ән өнәмли мөвзуларындан бири будур ки, инсан ҝәрәк Ашуранын нијә баш вермәси барәдә дүшүнсүн. Неҹә олду ки, Ашура баш верди? Пејғәмбәримизин (с) вәфатындан аз бир вахтдан сонра, үммәт неҹә олур ки, Пејғәмбәрин (с) өзүндән билдији, онун һаггында ән али сөзләр сөјләдији бир шәхси Имам Һүсејн(ә.с)и гәтлә јетирмәк һалына ҝәлир?
Дәјәрли мүтәфәккирләрин нәзәриндә, бу һадисәнин баш вермәсинин ән ҹидди вә әсас сәбәби будур ки, бу ҝүн Азәрбајҹандакы кими топлумда фәал шејтанларла лал шејтанлар иттифага ҝирмишдиләр. Лал шејтанларын фәал шејтанларла иттифагы нәтиҹәсиндә Ашура баш вермишди. Фәал шејтанларын ким олдуғу бәллидир. Мисал үчүн, ҝүнүмүзүн фәал шејтанлары бу адамлардыр ки, онлар Исламын атрибутларынын арадан ҝетмәси үчүн ҹан-фәшанлыг едәрләр. Һеч бунлардан о гәдәр дә тәләб олунмаз, онлар өзләри бу мәсәләләрдә фәаллыг ҝөстәрәрләр.
Фәал шејтанлар бирдән-бирә ҝәлиб фәал шејтан олмур. Өнҹә бир гарынлыг зүлм едир. Зүлм едир ки, бир гарынлыг чөрәјини тәмин етсин. Сонра дүнјанын ҹәззабијјәти ону өзүнә тәрәф дартыр. Ганына һарам дахил оландан сонра, һансы зүлм истәнилирсә, ону да едир. Фәал шејтанларын сајы чох аз олар. Амма, бу фәал шејтанларын өз ишләрини ҝөрмәјә имкан верәнләр - лал шејтанлардыр. Фәал шејтанларын фәалијјәт ҝөстәрмәси үчүн мүнбит шәраит јарадан бөјүк сајда лал шејтанлар олур.
Лал шејтанлар кимләрдир? Лал шејтанлар онлардыр ки, онларын һеч гәлбләриндә дә фәал шејтанларын ишләринә етиразы јохдур. Инсанын ҝәрәк һеч олмаса гәлбиндә бир етиразы ола, бир нараһатчылыг кечирә.
«Ҹамаат! Аллаһын пејғәмбәри бујурмушдур: “Ким Аллаһын һарамыны һалал едән,Аллаһын әһдини сындыран, Пејғәмбәрин (сәлләллаһу әлејһи вә алиһ) ганун вә сүннәсинә мүхалиф олуб Аллаһын бәндәләри арасында ҝүнаһ, фәсад вә дүшмәнчилик едән бир һөкмдарла үзләшсә вә бу ҹүр бир һөкмдара гаршы әмәли, һәрәкәти вә ја сөзү илә е’тираз етмәсә, Аллаһ (сүкут едән) һәмән шәхси о һөкмдарын дүчар олаҹағы әзаба (Ҹәһәннәм әзабына) дүчар едәр.Демәли бизләр сусдугҹа күфрүн бөјүмәсинә имкан јаратмыш олуруг.Күфр инсанларын тарих боју тәк дүшүнҹәси Аллаһын дининә гаршы саваш ачмаг вә ону истәдикләри шәкилдә јозмагдыр.
Бу ҝүн Демократија ады алтында Азәрбајҹанда һакимијјәти идарә едән демәк јалныш олдуғундан ,һакимијјәти әлә кечирән шәхсләрин сарајынын ҝөзәл ҝөрүнүшлү олмасы,игтидарда олан гүввәләрин ҹамаатын һаггыны кәсиб бөјүк сарајлар дүзәлтмәси, кешикчиләр-полисләр тәшкил етмәк,ә’јан-әшраф топламаг вә нәһајәт мүхалиф гүввәләри тутуб һәбс етмәк,Аллаһын динини јашајанлара әнҝәл олмаг, сүрҝүнә ҝөндәрмәк вә ја өлдүрмәк кими әмәлләри бизә Мүавијә вә Језидин һакимијјәтини о ҹүмләдәндә етдикләрини хатырладыр вә һәмчининдә өзүндә әкс етдирир.
Ислам Пејғәмбәри (с) бујурур: “Имам Һүсејнин (әс) шәһадәт ҝүнү шејтанларын ән бөјүјү (лән) диҝәр шејтанлара (лән) сөјләјир: “Ашура вагеәси һаггында инсанлара шәкк-шүбһә вә тәрәддүд јаратмаг үчүн инсанларын арасына ҝединиз””.
Һәзрәт Пејғәмбәр бизи хәбәрдар едир ки, күфрүн рәһбәрләри, зүлмүн, зәлаләтин ардыҹыллары әлләриндән ҝәлән һәр бир шеји едәҹәк ки, Имам Һүсејнин (әс) нишанәләрини, онун тәзаһүрләрини, Әба Әбдиллаһын (ә) мәдәнијјәтинә аид олан һәр бир мәсәләси арадан апарсын. Елә ҝүнүмүздә дә ҝөрүрүк ки, чалышырлар. Бу хәбәрдарлыг заманымызда хүсусилә парлајыр, өзүнү ҝөстәрир. Пејғәмбәримиз (с) бизләри һәм дә мүждәләјир. Хәбәрдарлыгда дејилир ки, зәлаләтин ардыҹыллары һәр шеј едәрләр. Амма нәтиҹә бир олаҹаг.
Нәтиҹә будур ки, бүтүн дүнја Һүсејндән (әс) данышыр. Тәк Кәрбәла дејил, тәк Нәҹәф дејил, тәк Бакы дејил, тәк Әһли-бејт (ә) севән мәмләкәтләр дејил, бүтүн дүнјада “Һүсејн-Һүсејн!” (ә) шүарлары уҹалыр. Нә гәдәр бу мәсәләнин үстүнә ҝедилир, даһа да Һүсејн (ә) таныјанларын сајы артыр. Әзиз Ислам Пејғәмбәри (с) бизләри мәлуматландырыр ки, нараһатлығымыз олмасын, өз үзәримизә дүшән ишләримизи ҝөрәк.
Бәли бу ҝүн Азәрбајҹанда ким истәјир ,олсун Президент вә ја Елмар Вәлијевләр кимиләри мүсәлманларын Ашура јүрүшүнү әнҝәлләјә билмәз вә буну етмәк истәдикләри заман нә илә гаршылашаҹагларыныда чох ҝөзәл билирләр.Сонда бизләр Аллаһын бујурдуғу шәкилдә һәрәкәт етсәк бу зүлмләрдән тез бир заманда гуртараҹағымыза иншаллаһ дејирәм.
