Әһли Бејт -АБНА- хәбәр аҝентлијинин вердији хәбәрә әсасән: Дүнја Мүсәлманларынын али дини лидери Ајәтуллаһ Әли Хамнеји АБШ вә Исраили Иранын нүвә објектләрин зәрбә вурмагдан чәкинмәјә чағырыб вә онлара лајигли ҹаваб вериләҹәјини билдириб.
Имам Хамнеи ҹәнаблары дејиб ки, “Сионист режим, АБШ вә онларын мүттәфигләри билмәлидир ки, истәнилән һүҹум вә тәһдидә лајигли ҹаваб вериләҹәк. Ислам Ингилабы Кешикчиләри, орду вә милләтимиз бу тәһдидләрә ҝүҹлү зәрбәләри вә дәмир јумруглары илә ҹаваб верәҹәкләр”.
Гејд едәк ки, Имам Хамнеји мәтбуатда Атом Енержиси үзрә Бејнәлхалг Аҝентлијин һесабатындан һиссәләр дәрҹ олундугдан сонра илк дәфә белә сәрт бәјанатла чыхыш едиб.
Һесабатда билдирилир ки, Иран 2003-ҹү илә кими нүвә силаһынын јарадылмасы истигамәтиндә ишләр апарыб, бу кими ишләрин һазырда да апарылмасы мүмкүндүр. Русија Хариҹи Ишләр Назирлијинин һесабата шәрһиндә билдирилир ки, сәнәддә јени фактлар әкс олунмајыб, һесабат јалныз индијә кими мәлум олан фактларын сијаси дон ҝејиндирилмиш мәҹмусундан ибарәтдир.
Диггәт: Хәбәрдән истифадә етдикдә мәнбәјә истинад лазымдыр
