Әһли Бејт -АБНА- хәбәр аҝентлијинин вердији хәбәрә әсасән: ФактХебер.ҹом сајтынын мәһкәмәдә олан мүхбири билдирди ки, фасиләдән әввәл Мөвсүм Сәмәдов, Вагиф Абдуллаеј, Фәрамәз Аббасов сон сөзлә чыхыш едибләр. Сон сөзлә чыхыш едән Исламчыларын лидери әввәлҹә мәһәкәмәјә ҝәләнләри саламлајыб. Даһа сонра чыхышына давам едән Мөвсүм Сәмәдов билдириб ки, мәһкәмәдән әввәл бураја ҝәлән инсанлар дөјүлүб, тәһгир олунублар. Ганунсуз башлајан мәһкәмә просесини ҝөрмүшдүк. Тәәссүфләр олсун ки, бу ҝүндә бу ганунсузлуглар давам едиб. 3 аја јахындыр давам едән мәһкәмәдә 20-дән чох иҹлас кечирилиб. Бу иҹласларда биз һагг ҝөрмәдик. Наһаггларла гаршылашдыг. Мәһәкәмә иҹласларында шаһидләрин јаланчылығы ифша олунду. Бу онун ҝөстәриҹисидир ки, бу шаһидләр полисләрин штатданкәнар ишчиләридир. Шаһидләр диндар олдугларыны иддиа едирләр, амма мәсҹидин гапысыны, гурулушуну билмирләр. Бурада отуран шәхсләрин үзүнә дуран шаһидләринин һамысынын ич үзү ачылды. Јаланчы шаһидләрин өзләрини мүдафиә етмәси үчүн 3 ај вахт верилир, амма бизим өзүмүзү мүдафиә етмәмиз үчүн 2 сааат вахт верилди.
Експертиза рәјинә тохунан Мөвсүм Сәмәдов билдирди ки, експертиза рәји өтәри охунду. Експертизанын вердији рәј мәһкәмәјә ҝәтирилмәди. Бәлкә мәним онлара бир сөзүм вар иди. Онлар нә һагла мәним "мүдафиә" сөзүмү "ҹиһад" сөзү илә әвәз едибләр. Бу онларын савадсызлығыны ҝөстәрир. Дејирләр ки, халгы мүбаризәјә чағырмысан. Нәјә ҝөрә, нә формада чағырмышам, мәним сөзләрим вар иди , амма һамысы үрәјимдә галды.
Ислам Партијасынын фәалијјәтиндән данышан партија лидери гејд етди ки, Азәрбајҹан Ислам Партијасы Азәрбајҹанда олан тәк-түк сијаси партијалардандыр. Мән 1992-ҹи илдә партијаја ишә ҝәләндә Давид Сиднејин о вахт ки, сәдр Әликрам Әлијевә олан мәктубу әлимә кечди. Давид Сиднеј Әликрам Әлијеви евинә гонаг чағырмышды. Лакин Әликрам Әлијев бу дәвәтдән имтина етмишди. Сорушандакы нијә бу дәвәтдән имтина етдиниз!?, - ҹавабында демишди ки, "Мән инсанлара зүлм едән дөвләтин ишчисинин евинә ҝетмәрәм!".
Биз белә бир партијанын үзвүјүк. Һеч бир партија шәһид вермәјиб. Бизим партијамыз шәһид вериб. Кәблаға Гулијев МТН-дә өлдүрүлдү. Ҝәтирдиләр евинә ки, ҝуја хәстә олуб. 2007-ҹи илдән биз бу сијасәти давам етдирмишик. Биз һәмишә халга дајаг олмушуг. Бизи силаһ-сурсат сахланмагда иттиһам едирләр. Билирәм ки, онсузда бу мәһкәмә сифаришлә иш ҝөрүр вә һамымызда иш кәсиләҹәк. Мән хаиш едирәм бурада һеч кәсә иш кәсилмәсин. Мәнә икигат ҹәза верилсин. Инсанын бир ҝүн азад јашамасы бир өмүр боју гул кими јашамасындан үстүндүр. Биз бир өмүр јашајаг амма Аллаһын нәзәриндән кәнарда галмајаг.
Даһа сонра мәһәкәмәдә Вагиф Абдуллајев вә Фәрамәз Аббасов сон сөзләрини сөјләјибләр. Мәһкәмә фасилә елан олунуб.
Диггәт: Хәбәрдән истифадә етдикдә мәнбәјә истинад лазымдыр
