Әһли Бејт -АБНА- хәбәр аҝентлијинин вердији хәбәрә әсасән: Бу ҝүн Бакы Ағыр Ҹинајәтләрә даир мәһкәмәнин ачыг иҹласында дөвләт иттиһамчысы Вүгар Гулијев Азәрбајҹан Ислам Партијасынын лидери Мөвсүм Сәмәдов, партијанын тәшкилати мәсәләләр үзрә сәдр мүавини Вагиф Абдуллајев, Астара рајон тәшкилатынын сәдри Руфулла Ахундзадә, Мөвсүм Сәмәдовун гајыны Фирдовси Мәммәдрзајев, әмиси оғлу Дәјанәт Сәмәдов, Масаллы руһаниси Фәрамиз Аббасов вә илаһијјатчы алим Зүлфүгар Микајылзадәнин иши үзрә ҹинајәт маддәләри елан еләди.
Хатырладаг ки, тәгсирләндирилән шәхсләр Ҹинајәт Мәҹәлләсинин 28, 214.2.1 (Габагҹадан әлбир олан бир груп шәхс, мүтәшәккил дәстә вә ја ҹинајәткар бирлик (ҹинајәткар тәшкилат) тәрәфиндән ҹинајәтә һазырлыг); 214.2.3 (Одлу силаһдан вә силаһ гисминдә истифадә олунан предметләрдән истифадә етмәклә ҹинајәтә һазырлыг); 228.3 (Ганунсуз олараг одлу силаһ, онун комплект һиссәләрини, дөјүш сурсаты (јивсиз одлу ов силаһы вә һәмин силаһ үчүн дөјүш сурсаты истисна олмагла), партлајыҹы маддәләр вә гурғулар әлдә етмә, башгасына вермә, сатма, сахлама, дашыма вә ја ҝәздирмә); 278-ҹи (Һакимијјәти зорла әлә кечирмә вә ја ону зорла сахлама) маддәләри илә иттиһам олунур.
Вүгар Гулијев чыхышында Мөвсүм Сәмәдов, Руфулла Ахундзадә, Фирдовси Мәммәдрзајев, Дәјанәт Сәмәдов, Фәрамиз Аббасов вә Зүлфүгар Микајылзадәнин иши үзрә олан һал-шаһидләринин, шаһидләрин ифадәләрини сәсләндирди.
Гејд едәк ки, бу иттиһамда Азәрбајҹан Ислам Партијасынынын тәшкилати мәсәләләр үзрә мүавини Вагиф Абдуллајевин 1 дәфә дә олсун ады чәкилмәди.
Һәмчинин јаланчылығы мәһкәмәдә иштирак едәнләр тәрәфиндән там ајдын олан 2 шаһидин ифадәси дә гәбул едилди. Бунлардан бири Фирдовси Мәммәдрзајевин әлејһинә шаһидлик едән Илһам Шәрафәтдинов иди. Хатырладаг ки, бу шәхс Ф.Мәммәдрзајевин мәсҹид гаршысында дәфәләрлә чыхыш етдијини ҝөрдүјүнү билдирсә дә, ону танымамыш, әвәзинә Мөвсүм Сәмәдову ҝөстәрмишди.
Икинҹиси исә протоколда Губа сакини Ҝүлооғланов Расим кими гејд олунан, һәјатда Хачмаз сакини Пироғланов Талеһин вердији шаһид ифадәси дә гәбул олунду. Буна әсас кими мәһкәмәнин тәшәббүсү илә дәвәт олунмуш Мәрдан Сәмәдовун дүканында вә Дәјанәт Сәмәдовун евиндә ахтарыш групуна рәһбәрлик едән Е.Садәтдиновун онун шәхсијјәтини тәсдиг еләмәси ҝөстәрилди.
Тәгсирләндирилән шәхсләрдән Ҝәнҹә шәһәр сакини Јусиф Әләкбәровун иттиһамына да тохунулду: «Һәмин шәхс гачдығындан инди дә ахтарышдадыр. Онун барәсиндә ајрыҹа ҹинајәт мәһкәмәси кечириләҹәк».
Вүгар Гулијев өтән мәһкәмә иҹласында көнүллү сурәтдә шаһидлик едән Намиг Пиријевин вә Азад Әләкбәровун да вердији ифадәләри барәдә дә данышды. Хатырладаг ки, адлары чәкилән шаһидләр илкин истинтаг заманы вердикләри ифадәни тәкзиб едәрәк билдирмишдиләр ки, һүгугмүһафизә органлары онларын савадсызлығындан истифадә едиб: «Бизә демишдиләр ки, Иранын «Сәһәр» каналыны бағламагдан өтрү протокола имза атмаг лазымдыр. Биләндә ки, бизим үстүмүздә наһагдан адам һәбс едибләр, чох нараһат олдуг. Бу сөз-сөһбәтә сон гојмаг үчүн бура ҝәлмишик».
Дөвләт Иттиһамчысы верилән бу ифадәләрин һәгигәтәујғун олмадығыны, бу сәбәбдән онларын илкин истинтага верилән ифадәләринин гәбул олунмасынын зәрурилијиндән данышды.
Бундан сонра тәгсирләндирилән шәхсләр барәдә јүнҝүлләшдириҹи вә ағырлашдыры мәсәләләрә дә тохунду: «Мөвсүм Сәмәдов әввәлләр иттиһам олунмајыб, үзәриндә аз јашлы көрпә вар, Вагиф Абдуллајев әввәлләр мәһкум олмајыб,Фәрамиз Аббасов әввәлләр мәһкум олмајыб, үстүндә ики азјашлы ушаг вар, Дәјанәт Сәмәдов әввәлләр мәһкум олмајыб, үстүндә аз јашлы ушаг вар, Фирдовси Мәммәдрзајев әввәлләр мәһкум олмајыб, үстүндә бир аз јашлы өвлады вар, Зүлфүгар Микајылзадә әввәлләр мәһкум олмајыб, үстүндә 3 азјашлы көрпәси вар, Руфулла Ахундовун үстүндә 4 азјашлы ушаг вар. Әлбәттә бу јүнҝүлләшдириҹи һалдыр. Лакин тәгсирләндирилән шәхсләрин иҹтимаи тәһлүкә төрәтмәләри барәдә кифајәт гәдәр чыхыш етмишәм. Бу азадлыгдан мәһрум етмә илә нәтиҹәләнмәлидир вә бу онларын һәр биринин шәхсијјәтинә, характеринә, ҹинајәт дәрәҹәсинә ујғун тәсири нәзәрә алынмалыдыр. Тәгсирләндирилән шәхсләрдән јалныз Зүлфүгар Микајылзадәнин ҹаванлығы, шәхсијјәти вә 3 азјашлы көрпәси олмасыны нәзәрә алараг ҹәзасынын шәрти илә әвәзләнмәси мәгсәдәујғундур».
Дөвләт иттһамчысы Вүгар Гулијев иттиһамы охуду. Прокурор әввәлҹә билдириб ки, иттиһам олундуғу маддәләр үзрә ҹәзалары үст-үстә топлајанда Мөвсүм Сәмәдова 22 ил 6 ај мүддәтинә һәбс ҹәзасы дүшүр. Дөвләт иттиһамчысы дејиб ки, Мөвсүм Сәмәдова Ҹинајәт Мәҹәлләсинин 28, 214.2.1 (Габагҹадан әлбир олан бир груп шәхс, мүтәшәккил дәстә вә ја ҹинајәткар бирлик (ҹинајәткар тәшкилат) тәрәфиндән ҹинајәтә һазырлыг); 28, 214.2.3 (Одлу силаһдан вә силаһ гисминдә истифадә олунан предметләрдән истифадә етмәклә ҹинајәтә һазырлыг) маддәләри илә әмлакы мүсадирә олунмамагла 7 ил 6 ај, 228.3 маддә илә (Ганунсуз олараг одлу силаһ, онун комплект һиссәләрини, дөјүш сурсаты (јивсиз одлу ов силаһы вә һәмин силаһ үчүн дөјүш сурсаты истисна олмагла), партлајыҹы маддәләр вә гурғулар әлдә етмә, башгасына вермә, сатма, сахлама, дашыма вә ја ҝәздирмә) 5 ил; 278-ҹи маддә илә (Һакимијјәти зорла әлә кечирмә вә ја ону зорла сахлама) 10 ил һәбс верилмәлидир.
Даһа сонра прокурор Вүгар Гулијев Ҹинајәт Мәҹәлләсинин 66.3-ҹү маддәсинә истинад едиб вә ҹәза мүддәтләрини һәмин маддә илә һесаблајараг Мөвсүм Сәмәдовун ҹәзасыны ҹидди режимли ҹәзачәкмә мүәссисәсиндә чәкмәклә, әмлакынын мүсадирә олунмамасы шәртилә 12 ил мүддәтинә азадлыгдан мәһрум едилмәсини истәјиб.
Вүгар Гулијев ејни ҹәзаны, ејни нормаларла Вагиф Абдуллајевә вә Фәрамиз Аббасова да истәјиб.
Руфулла Ахундзадәјә дә ејни маддәләрлә ејни ҹәза верилмәсини тәклиф едән дөвләт иттиһамчысы хатырладыб ки, Ахундзадә әлавә олараг Ҹинајәт Мәҹәлләсинин 283.1-ҹи (Милли, ирги, сосиал вә ја дини нифрәт вә дүшмәнчилијин салынмасына, милли ләјагәтин алчалдылмасына, һабелә милли, ирги вә ја дини мәнсубијјәтиндән асылы олараг вәтәндашларын һүгугларынын мәһдудлашдырылмасына вә ја үстүнлүкләринин мүәјјән едилмәсинә јөнәлән һәрәкәтләр, ашкар сурәтдә вә ја күтләви информасија васитәләриндән истифадә олунмагла төрәдилдикдә) маддәси илә дә иттиһам олунур. Буну әсас ҝәтирәрәк прокурор Вүгар Гулијев билдириб ки, Руфулла Ахундзадәјә әлавә олараг 3 ил һәбс дә дүшүр. Анҹаг дөвләт иттиһамчысы јенә Ҹинајәт Мәҹәлләсинин 66.3-ҹү маддәсинә истинад едиб вә ҹәза мүддәтләрини бу маддә әсасында һесабламагла Руфулла Ахундзадәјә дә 12 ил һәбс ҹәзасы верилмәсини тәклиф едиб.
Дәјанәт Сәмәдов вә Фирдовси Мәммәдрзајевин иттиһам едилдикләри маддәләр (28, 214.2.1; 28, 214.2.3; 228.3) арасында 278-ҹи маддә олма
