Әһли Бејт -АБНА- хәбәр аҝентлијинин вердији хәбәрә әсасән: Һазырда һәбсдә олан вә мәһкәмә просеси кечирилән АИП-ин Астара рајон тәшкилатынын сәдри Һаҹы Руфулла Ахундзадәнин аиләси өлкәмиздә фәалијјәт ҝөстәрән бејнәлхалг тәшкилатлара вә сәфирликләрә мүраҹиәт үнванлајыб.
Бисмиллаһир-рәһманир-рәһим.
Јазыб сизә билдирмәк истәјирәм ки атам Руфулла Ахундзадә 21-01-2011-ҹи ил тарихдә ДИН вә Баш Прокурорлуғун әмәкдашлары тәрәфиндән һәбс олунуб. Она гаршы ирәли сүрүлән иттиһамда дөвләт чеврилиши, һакимијјәтин зорла әлә алынмасы, әввәлҹәдән мүтәшәккил ҹинајәткар дәстә јаратмаг, террор, милли-ирги ајры сечкилик салмаг вә с. бу кими маддәләр јер алыб. Атам Руфулла Ахундзадәјә Азәрбајҹан Республикасы ҸМ-нин 28 214.2.1 28 214.2.3 228.3 278 вә 283.1-ҹи маддәләри илә јекун иттиһам елан олунмушдур.
Атама гаршы ирәли сүрүлмүш иттиһамларын һеч бир әсасы јохдур. Садәҹә онун сијаси чыхышлары даһа доғрусу Астарада мәмур өзбашыналығына гаршы чыхмасы, Астара Ҝөмрүк-кечид мәнтәгәсиндәки өзбашыналыг вә инһисарчылығын һимајә едилмә рүшвәтхорлуг, коррупсијаја милли-әхлаги мәнәви дәјәрләрин һакимијјәт тәрәфиндән унутдурулмасына јөнәлик аддымлара гаршы етиразыны билдирмәси нәтиҹәсиндә она сахта-гондарма әсасларла белә ҹинајәт ишинин башланмасына сәбәб олмушдур.
Бизә аид олмајан гоншумуза мәхсус јарымтикилидә силаһ-сурсат ашкарланмышдыр. (бөјүк еһтималла бу силаһ-сурсат һүгуг-мүһафизә органлары тәрәфиндән атамы шәрләмәк үчүн ораја гојулуб). Бизим ајаг вә әл изләринин һәмин силаһ тапылан јердән вә силаһлардан ҝөтүрүлмәси үчүн експерт тәләб етмәјимизә һеч бир реаксија верилмәмиш вә буна риајәт едилмәмишдир.
Нәзәринизә чатдырмаг истәјирәм ки, атам Р. Ахундзадә 1988-ҹи илдә Совет империјасына гаршы чыхан шәхсләрдән бир олмуш вә Азәрбајҹанын мүстәгиллијини тәләб етмишдир. Бу мәгсәдлә 1988-ҹи илдә Азәрбајҹанда башламыш Милли Азадлыг һәрәкатында фәал иштирак етмиш Астарада һәрәкатын лидерләриндән бири олмушдур. Она гаршы совет империјасы мүхтәлиф тәзјиг вә репрессијалара әл атса да ону јолундан чәкиндирә билмәмишдир. 1993-ҹү илдән рәсми гејдијјата алынмыш Азәрбајҹан Ислам Партијасына үзв олмуш 1994-ҹү илдә Партијанын Астара Рајон Тәшкилатынын сәдри сечилмишдир. 1995-ҹи илдә Азәрбајҹанда бүтүн сијаси партијаларын гејдијјаты ләғв олунмуш тәкрар гејдијјат просесинә башланылмышдыр. Бир чох партијалар јенидән гејдијјата алынса да АИП тәкрар гејдијјата алынмајыб. Индијә кимидә гејдијјаты олмадан фәалијјәтини ҝөстәрмәкдә давам едир. Дәфәләрлә Әдлијјә Назирлијинә Партијанын мүраҹиәт етмәсинә бахмајараг гејдијјат мәсәләси гәсдән узадылыр. Атам Партијанын Рајон Тәшкилатынын сәдри кими өлкәдә баш верән иҹтимаи-сијаси просесләрә биҝанә галмамыш вә өз етираз сәсини дөврү мәтбуатда вә о ҹүмләдән Азәрбајҹанда бүтүн телеканалларын һакимијјәтә мүхалиф фикирли инсанларын үзүнә бағлы олдуғу үчүн атам бир нечә дәфә өлкәдә мәмур өзбашыналығы коррупсија өлкәдә јашајан етник милләтләрин һүгугларынын позулдуғуну Иран Ислам Республикасынын Сәһәр каналына ачыгламасында билдирмишдир. Лакин өлкәдә һәр һансы бир ҝәрҝинлијә сәбәб ола биләҹәк чағырышлар вә фикирләр ишләтмәјиб. Атама гаршы ирәли сүрүлән иттиһамда ҝуја сөзү ҝедән телеканалда ајры-сечкилијә хидмәт едән вә өлкәдә дөвләт гурулушунун дәјишмәсинә ачыг чағырышлар етдији ҝөстәрилиб Атам мүхтәлиф вахтларда сијаси һакимијјәт тәрәфиндән шәрләнәрәк һәбс олунуб. 2000-ҹи илдә атам 48 ҝүн шәрләнәрәк һәбсдә галды вә Авропа Мәһкәмәсиндә сијаси мәһбус кими танынды. О вахт Азәрбајҹан мәһкәмәси атамын ҝүнаһсызлығыны сүбута јетирди вә һакимијјәт ҹәримәләнди.
Атамла бәрабәр Ислам Партијасынын рәһбәрлијинә дахил олан вә нүфузлу Дин хадимләриндән ибарәт олан бир нечә шәхс дә шәрләнәрәк һәбс олунуб. Онлара гаршыда охшар иттиһамлар ирәли сүрүлүб.
Атама гаршы башланмыш ибтидаи истинтаг гәрәзли сијаси сифаришлә апарылыб вә мәһкәмәјә тәгдим олунуб. Белә ки һәм истинтаг һәм дә мәһкәмә башланмыш ҹинајәт ишинин сахта олдуғуну сүбут етмәјә јетәрли олан фактлары ҝөрмәмәзлијә вуруб һүгуг-мүһафизә органлары тәрәфиндән мүхтәлиф васитәләрлә әлә алынмыш јаланчы шаһидләрлә ирәли сүрүлән иттиһамын доғру олдуғуну сүбут етмәјә чалышырлар. Бир факты нәзәринизә чатдырмаг истәјирәм ки, силаһ-сурсатын тапылдығы јарымтикилинин бизә мәхсус олдуғу ҝүман едилдијиндән силаһ-сурсат ораја гојулуб. Иттиһамда ҝөстәрилир ки 4 әдәд АКМ маркалы автомат 3 әдәд һәмин автомат үчүн нәзәрдә тутулмуш сандыгча 1 әдәд наган типли тапанча 9 әдәд Ф-1 әл гумбарасы 1 әдәд РГД типли гумбара 500-ә јахын патрон сөзүҝедән јарымтикилидә тапылыб. Тапылан гумбараларын аилә үзвләримизин һүгуг-мүһафизә органларынын вә јаланчы һал шаһидләринин ҝөзү гаршысында ҝуја зәрәрсизләшдирилди. Сурсат зәрәрсизләшдирилән јерлә бизим јашадығымыз ев арасында 15 метр јахын мәсафә варды. Партладылан гумбаралар евә һеч бир зијан вурмады. Бу исә зәрәрсизләшдирилән дөјүш сурсатынын тәлим үчүн нәзәрдә тутулдуғунун ҝөстәриҹиси иди. Һәрби хидмәт кечдијим үчүн дәгиг билирәм ки һәгиги дөјүш сурсаты олан гумбаралар зәрәрсизләшдириләркән 200 метр радиусунда әрази тәһлүкәли һесаб олунур вә ән азындан партладылан гумбара 50-60 метр радиусунда јерләшән тикилиләри автомобилләри јарарсыз һала салыр. Һәјәтимиздә тәлим үчүн нәзәрдә тутулан гумбараларын партладылмасы садәҹә олараг әтрафда јашајан инсанлары ораја ҹәлб етмәк вә атам Р.Ахундзадәнин ҝуја белә чиркин ишләрлә мәшғул олдуғуну ҝөстәрмәк иди. Бунунла да атамын ҹамаат арасында олан нүфузуну зәдәләмәк истәјирдиләр.
Һазырда атам 9 ајдыр ки һеч бир ҹинајәт ишләтмәдији һалда һәбсдә јатыр вә Ағыр Ҹинајәтләрә Даир Ишләр Үзрә Мәһкәмәдә атамын вә һәбс олунан АИП-нын нүфузлу дин хадимләринин мәһкәмә истинтагы апарылыр вә мәһкәмәјә Елдар Исмајылов сәдрлик едир. Индијә гәдәр 20-јә јахын мәһкәмә иҹласы кечирилиб. Һакимләрин ишә гәрәзли јанашдығы сијаси сифариши јеринә јетирдији дәрһал сезилир. Мәһкәмә просесиндә иштирак едән Дөвләт иттиһамчысы Баш Прокурор Закир Гараловун 1-ҹи мүавини Вүгар Галибов өзүнү мәһкәмәнин һакими кими апарыр вә онун һәрәкәтләринә Һакимин һәр һансы бир ирады олмур. Мәһкәмәдә атам вә гејриләринин һугуг мүдафиәчиләринин галдырдығы һеч бир вәсатәт тәмин олунмур. Мараглыдыр ки башланмыш ҹинајәт иши илә бағлы олан суалларын һүгуг мүдафиәчиләри тәрәфиндән шаһидләрә верилмәси һаким тәрәфиндән әсассыз олараг протокола салынмасына иҹазә верилмир. Һәмчинин јаланчы шаһидләрин ифадәләриндә мәһкәмәдә сәсләндирдији ифадәләрлә ибтидаи истинтаг заманы вердији ифадәләр арасында зиддијјәтләр мејдана чыхыр вә шаһидләрин мәһкәмәдә сәсләндирдији јәни тәгсирләндирилән шәхсләрин хејринә олан ҹүмләләр протокола салынмыр. Буна ҝөрә дә вәкилләр тәрәфиндән мәһкәмә просесини видео вә ја аудио јазыја алынмасы илә бағлы тәләби јеринә јетирилмәди. Мәһкәмә просесиндә ифадә верән јаланчы шаһидләрин дедикләри үст-үстә дүшмәјәндә Дөвләт Иттиһамчысы В. Галибов шаһидләрә әл ҝөз ишарәләри вә сөзлә истигамәт верир вә вәкилләрин суалларына неҹә ҹаваб вермәји онлара баша салыр. Буна ҝөрә дә атам Р. Ахундзадә Дөвләт Иттиһамчысынын һәрәкәтләриндән һакимә дәфәләрлә шикајәт етсә дә Мәһкәмәјә сәдрлик едән Е. Исмајылов буна мәһәл гојмајыб. Атам етиразларын билдирәндә дәфәләрлә сәһһәти писләшиб вә Дөвләт Иттиһамчысы тәр
