Әһли Бејт -АБНА- хәбәр аҝентлијинин вердији хәбәрә әсасән: Азәрбајҹан Республикасы Президенти Администрасијасынын рәһбәри, Тәһлүкәсизлик Шурасынын катиби, академик Рамиз Меһдијев Русијанын Јекатеринбург шәһәриндә тәһлүкәсизлик мәсәләләринә ҹавабдеһ олан јүксәк вәзифәли шәхсләрин бејнәлхалг ҝөрүшүндә дејиб: “Сон бир нечә илдә Иран Ислам Республикасы тәрәфиндән Азәрбајҹанын ефир мәканынын мәгсәдјөнлү шәкилдә позулмасынын давам етмәсини дә хатырлатмалыјыг. Бәднам “Сәһәр 1” бејнәлхалг каналы әсасән Азәрбајҹандакы һәдәф аудиторијасына үнванланыб вә бу канал өлкәмиз һаггында даим биләрәкдән јалан вә сахта информасија јајыр.
Бу вәзијјәт Бејнәлхалг Електрик Рабитәси Иттифагынын “Радиорабитә регламенти”нин 23-ҹү маддәсинин бирбаша позулмасы демәкдир. Һәмин маддәдә конкрет олараг мүәјјән едилиб ки, радиојајым стансијаларынын ҝүҹү милли радио хидмәти тәрәфиндән һәмин өлкәнин сәрһәдләри дахилиндә јајымын јахшы кејфијјәтинин гәнаәтлә вә сәмәрәли тәмин едилмәси үчүн зәрури кәмијјәтдән јухары олмамалыдыр”.
Дигәт: Һәтта Сәһәр каналынын фәалијјәтләрини тәхрибатчы сајсаг белә, бу Азәрбајҹан һөкумәтинин Јекатеринбург шәһәриндә тәһлүкәсизлик мәсәләләринә ҹавабдеһ олан јүксәк вәзифәли шәхсләрин бејнәлхалг ҝөрүшүндә бу дөвләтин өз вәтәндашларына гаршы апардығы репресијалардан вә амансыз сијасәтләрдән, ҹәмијјәти фәлакәтдән гуртаран вә онлары сәадәтә апаран пак вә һөрмәтли диндарлары наркоманијада, наркотиканын бизнесиндә, силаһ сүрсатларын дашыныб сахланмасында, дөвләт чеврилишиндә сәјләр ҝөстәрмәсиндә вә.с шәрләјиб гара зинданлара салмасындан данышмамасына һечдә бәраәт газандырмыр.
Бир телевизија каналынын ән тәхрибатчы фәалијјәти садәҹә бир сөздүр. Амма һазырда Меһдијевин зинданларында 50-јә јахын фәал вә нүфузлу руһаниләр, диндарлар террор, наркотика иттиһамы илә һәбсдә сахланылыр. Рамиз Меһдијев нә үчүн бу барәдә данышмыр? Демәк, бу барәдә Сәһәр каналынын данышмасыны истәјир!
Диггәт: Хәбәрдән истифадә етдикдә мәнбәјә истинад лазымдыр
