Бисмиллаһир-рәһманир-рәһим
Һамыја бәлли олдуғу кими нечә ҝүн өнҹә зинданда сахланылан мәсләкдашларымызын мәһкәмәси иди. Әзизләримизи узагданда олса ҝөрмәк вә мәһкәмә ҝедишатыны изләмәк мәгсәди илә, мәһкәмәјә ҝетмишдим. Бир аз тәхирлә мәһкәмә башлады. Әнәнәви олараг ајаға галхын мәһкәмә ҝәлир сөзү илә ајаға галхдыг. Һакимләри мүшаһидә етдијим илк бахышда, һәр үч һакимин өмрүнүн чох һиссәсини архада бурахмыш јашлы инсанлар олдуғуну ҝөрдүм. Буна севиндим, севинҹимә сәбәб исә бу инсанларын сачларыны иш вә һәјат тәҹрүбәсиндә ағартмалары иди. Фикирләширдим бу јашлы инсанлар јәгин ки, һакимлик күрсүсүндә биринҹи дәфә отурмајыблар. Демәк гардашларымызын иши даһа јүксәк иш мәһарәти илә апарлылаҹаг, бу исә мәнә бөјүк әһәмијјәт кәсб едирди, о сәбәбдән ки, ҝүнаһсыз инсанын там ҹиддијјәтлә ҝедән мүһакимәси ону сонда “там ҝүнаһсыз” кими ортаја чыхараҹагды. Севиндириҹи икинҹи сәбәб исә, ҝөрүнүр өз ихтисас саһәм ја ел дили илә десәк өз аршынымла өлчмәкдән гајнагланырды. Дүшүнүрдүм инсанлар јашландыгҹа гоҹалыг, хәстәлик, өлүм дүшүнҹәси онлары ҹаванлара нисбәтән даһа чох өзүнә мәшғул едир. Өзүнү ахирәт дүнјасына, Аллаһ гаршысында һесабата даһа јахын ҝөрүр. Бу исә инсанда паклыға вә доғрурулуға һардаса јардымчы ола билир. Һакимләрә ҝәлдикдә исә, онларын паклыг вә доғрулуглары һәр шејдән өнҹә үнванларында тәзаһүр етмәлидир. Нә исә, никбин бахышларымла мәһкәмә ишинә башлады. Чох чәтинликлә ешидилән сөзләр инсана ХХ әсрин әввәлләриндәки сәссиз филимләри хатырладырды. Бәзән нәфәсләримизи дурдурмагла олса белә, нәсә ешитмәјә чалышырдыг. Салонда кечәнләри дүшүнмәк үчүн инсандан хүсуси истедад тәләб олунмурду. Ҹари сенари, бахча ушагларына белә ҝүлүнҹ ҝәләҹәк гәдәриндә иди. Амма нәдәнсә бизи ҝүлдүрмүрдү, буна исә сәбәб бизим азад руһлары дүнјадан белә бөјүк олан әзиз гардашларымызын дәмир бармаглыглар архасында олмалары иди. Мәһкәмә боју гардашларымыз вә вәкилләри тәрәфиндән вәсатәт галдырылыр, иттиһамчы данышыр, һакимләр исә ҝөзләмә мөвгејиндә идиләр. Ҝүнүн икинҹи јарысында һакимләр галдырылан вәсатәтләрә бири-биринин ардынҹа рәдд ҹавабы верәркән санки мәһкәмә өнҹәси никбин бахышларымын үзәринә сојуг су төкүрдүләр. Онлара олан етимадым ҝүнәш өнүндә олан буз мисалы әријирди. Елә бил гынаг нөгтәси арајырдым, билмирдим кими гынајым , өзүмү ја һакимләри? Дијәсән, һәр икисин. Өзүмү никбин бахышларыма , һакимләри исә чох раһат сурәтдә гардашларымызын һаглы тәләбләринә рәдд ҹавабы вермәји башармаларына ҝөрә иди. Буну “мәһкәмә ишинә аид дејил” ја “кониститусијада нәзәрдә тутулмајыб”,- дејә едирдиләр. Мисал олараг, руһани гардашым Һаҹы Сејјид Фәрамәрзин “мәнә силаһ-сурсат вә терроризм шәри јыханлар, Аллаһы шаһид тутараг, Гурани-Кәримә анд ичәрәк, мәнимлә үз-үзә , ҝөзүмә бахараг данышсынлар” - демәсини ҝөстәрмәк олар. Бу вәсатәт мүвафиг һесабланмадығындан рәдд едилди. Ҝөрәсән ҹәнаб һаким! неҹә олур президент тәрәфиндән бүтүн өлкәнин мүгәддәраты уғрунда “Гурана анд ичмәк” кечәрли олдуғу һалда һәмин өлкәнин бир вәтәндашынын мүгәддәраты барәсиндә мүвафиг һесабланмыр? Јохса јаланчы шаһидләрин Гурана анд ичмәкдән имтина едиб мәһкәмәдән јајынмағындан еһтијатланырсыз? Бу ки, мәнҹә сизин марағынызда олмамалыдыр. Сизин марағыныз әдаләти үзә чыхаран һәр һансы бир детала сығынмагдан ибарәт олмалыдыр. Ахы сиз һакимсиз. Адәтән бундан сиз дејил, тәгсирләндириләнләр имтина етмәлидирләр. О ки, галды анд ичмәкдән јајынан шаһидләрә буна нараһат олмајын. Нә гәдәр ки, бу өлкәдә вәтән торпағыны сатанлар, милләт малыны талајанлар, рүшвәтлә јашајанлар, һаким адлансалар белә сифаришлә һөкм охумаға мәһкум оланлар , бу дијарын дининә, дилинә гијмәт гојмајанлар, руһани евинә силаһ атыб шәрләјәнләр вар. Гурана јаландан анд ичәнләрдә тапылаҹагдыр. О ки, галды нәдән Һаҹы Фәрамәз бу анды тәләб едир? Она ҝөрә ки, охујуб – инандығы дини тәлимләр она өјрәдиб ки, Гурана јалан олараг анд ичән инсанын Аллаһ бәласын верир вә ону ән ағыр мүсибәтләрә дүчар едир. Ҝөрүнүр бу ҝүн шәрләниб һәбсә дүшән Пејғәмбәр сүлаләсиндән олан бу сејјид руһани, рәббинә сығынараг ону шәрләјәнләрә Аллаһдан бәла диләмәк истәјир. Үзүмү гардашыма тутараг бу сөзләри дејирәм. Сејјид! сәнин бүтүн дин гардашларын сән вә сәнинлә бирликдә олан әзизләримизи виҹдан мәһбуслары, ҝүнаһсыз мәһкумлар, зүлмүн әсирләри вә әсрин гәһрәманлары кими таныјырлар вә сизә зүлм едәнләрә бир Гуран јох, минләрлә Гураны башлары үзәринә алыб гарғышлар јағдырырлар. Јадыныза салым ки, мәзлумлар јардымчысы олан Пејғәмбәримиз бизә өјрәдиб ки, һәр бир мәзлум инсан әлләрини Аллаһ еви адланан Кәбәнин астанасына гојараг она зүлм едәнә гарғыш вә нифрин едәрсә, Аллаһ залими аз заманда бәлаја дүчар едәрәк мәһв едәр. Гардашларым, бизи силаһ-сурсатла шәрләјәнләр билмәлидир ки, бизим силаһымыз әгидәмиз, дајағымыз рәббимиздир. Сизин дин гардашларыныз гәрарлыдырлар һәр кәс өз гәдәриндә сизин азадлығыныз наминә һәрәкәт етсин, һәтта бу ил сизин азадлығыныз Һәҹҹ вәгтинә гәдәр тәхирә дүшәрсә, инанҹлы һаҹылар әлләрин Кәбәинин астанасына гојараг сизә зүлм едәнләрин, сизә гара јаханларын, сизи һәбсдә сахлајанларын, сизи әзизләриниздән ајыранларын өзләринә вә әзизләринә гарғыш вә нифрин едәҹәкләр. Бир сөзлә мәһкәмәдә рәдд едилән тәләбиниз мөмин инсанлар тәрәфиндән тәмин едиләҹәк.
Сәрдар Һаҹыһәсәнли
Илаһијјатчы
