Әһли Бејт -АБНА- хәбәр аҝентлијинин вердији хәбәрә әсасән: Ики ҝүн өнҹә Һиҹаб.орҝ-ла телефон сөһбәтиндә Мүбариз Руһаниләр Ҹәмијјәтинин Али Шурасынын үзвү Һаҹы Сејран Рзајев “100 мин имза” кампанијасы илә бағлы Ислам-азери үнванлы сајтда ҝедән јазыја мүнасибәт билдириб. Һаҹы Сејран дејиб:
“Мән Ислам-Азери-нин телефонла мүраҹиәтинә ҹавабымда МРҸ-нин мөвгејини тәкрар етмишәм. Гејд олунмуш Гуран ајәсини јада салыб бу кампанијанын хаһиш формасында олмасыны мөминләрин иззәтинә лајиг сајмамышам. Гејд етмишәм ки, бу кампанија тәләб формасында мүнасиб оларды. Јазыда бундан әлавә нә варса, мәним сөзләрим дејил.”
Гејд едәк ки, 9 ијул тарихиндә ислам-азери.аз сајты Һаҹы Сејран Рзајевин мөвгејини МРҸ-нин руһаниси: "Биз буна разы дејилик!" башлығы илә јајымладыглары ачыгламада ашағыдакы јазыны дәрҹ етмишләр:
"Гуран ајәсиндә дә бујурулур: Һалбуки шәрәф-шан да, (гүввәт вә гәләбә дә) јалныз Аллаһа, Онун Пејғәмбәринә вә мөминләрә мәхсусдур, лакин мүнафигләр (буну) билмәзләр! Белә бир һалда мөминләрин иззәтини сындырмаг олмаз. Бүтүн бу зәһмәтләрдән сонра хаһиш кими нәисә јазаг кимәсә чатдыраг. Мөминләрин иззәтини сындырмаг олмаз. Бу нәзәријјәни верәнләр бу ҝүнләрә кими һардајдылар? Инди ҝәлибләр мејдана өзүдә бу ҹүр. Биз бунунла разы дејилик".
Чох мараглдыр ки, бәзи өлкә хариҹиндә јашајан шәхсләр Азәрбајҹандакы мәсәләләрә мүдахилә едәрәк өлкә сәвијјәсиндә зәһмәт чәкмиш мүгавимәтчиләрә гаршы "гара пиар" кампанијасына башлајыблар. Бу шәхсләр иддиа едирләр ки, ҝуја етдикләри Вилајәтә бағлыдыр. Вилајәти исә биз Иран дејил, Вәлијји Фәгиһ һесаб едирик. Бу бахымдан да, шәхсән онун өз сајтындакы ачыгламаны бизә тәгдим етсәләр дүз данышанлардан һесаб олунарлар. Неҹә ки, Гуран бујурур: "әҝәр дүз данышанлардансызса дәлил ҝәтирин". Диҝәр мәсәлә 200-300 нәфәр сөһбәтидир ки, бу мәсәләдә дә јанылыбдыр. Чүнки, истәр мәсҹид, истәрсә дә һиҹаб мәсәләләриндә митингләрдә иштирак едән "минләр" мәһз 200-300 кими ҝөстәрилән бу топлумдур. О топлум ки, бәзиләри вәтәнә гајытмағы ҹүрәт едә билмәјәндә аксијаларда "дубинка"нын алтына башыны верирдиләр. Мәһз Һаҹы Тале Бағыров бу топлумун руһаниләриндәндир. Биз һәбсдә олан руһаниләр башда Һаҹы Мөвсүм Сәмәдов. Сејјид Фәрамиз, Сејјид Фәхри вә Сејјид Азәри дә мәһз бу топлумун руһаниләриндән һесаб едирик. Садәҹә бу шәхсләрә мәсләһәт ҝөрүрүк ки, Вилајәтин баларадырларса онда Вәлијји Фәгиһин Азәрбајҹандакы нүмајәндәсинин барәсиндә данышдыгларына төвбә етсинләр.
Лакин 10 ијул тарихиндә МРҸ-нын Али Шурасынын үзвү Һаҹы Сејран Рзајев Һиҹаб.орҝ-ла телефон сөһбәтиндә мәһз јухарыда гырмызы јазыларла гејд етдијимиз “P.S”-ыз јазыја өз етиразыны билдирмишдир. Елә һәмин ҝүн 14:34-дә ислам-азери.аз сајты "Һаҹы Сејранын сәсинин аудиосу јајымланаҹаг" башлыглы јазыда јухарыда гырмызы јазыларла гејд етдијимиз јазыны силмишдир.
Һаҹы Сејран Рзајевин етиразыны ислам-азери.аз сајтында јајымланан аудио јазысына гулаг асдыгда да ачыг-ашкар баша дүшмәк олур ки, “P.S”-ыз гејд олунмуш јазылар онун сөзләри дејилмиш.
Диггәт: Хәбәрдән истифадә етдикдә мәнбәјә истинад лазымдыр
