Әһли Бејт -АБНА- хәбәр аҝентлијин хариҹи медијалара стинадән вердији хәбәрә ҝөрә, Ҝүрҹүстан парламенти өлкәнин гәрбиндәки Кутаиси шәһәринә көчүр. Буну нәзәрдә тутан ганун лајиһәси илә бағлы сәсвермәдә 150 милләт вәкилинин 103-ү леһинә, 1 нәфәр әлејһинә сәс вериб. Мүхалифәт нүмајәндәләри сәсвермәдә иштирак етмәјибләр.
Парламент 2012-ҹи илдә кечириләҹәк сечкиләрдән сонра Кутаисијә көчәҹәк. Али ганунвериҹи органын јерләшәҹәји бина һәлә инша едилмәјиб.
Депутатларын Кутаисијә көчмәләринә еһтијаҹ јохдур. Орада парламентин пленар иҹласлары кечириләҹәк. Парламентин комитәләри исә әввәлки тәки Тбилисидә фәалијјәт ҝөстәрәҹәк.
2009-ҹу илдә депутат Акаки Бобохидзе парламентин көчүрүлмәси тәклифи илә чыхыш етмишди. Онун фикринҹә, бу аддым Кутаисинин вә үмумиликдә Ҝүрҹүстанын гәрбинин инкишафына рәваҹ верәрди.
Тәшәббүсү игтидар партијасы вә президент Михаил Саакашвили дәстәкләјиб.
Парламентин малијјә-бүдҹә комитәсинин рәһбәри Зураб Меликишвилинин дедијинә ҝөрә, көч 57 милјон ларијә (тәхминән 34 милјон доллар) баша ҝәләҹәк.
Диггәт: Хәбәрдән истифадә етдикдә мәнбәјә истинад лазымдыр
