Азәрбајҹан президентинин аиләси өлкәнин 3 мобил рабитә операторундан биринин саһиби имиш. Буну Азадлыг Радиосунун әлдә етдији сәнәдләр үзә чыхарыр. Һөкумәт 5 илдир ки, базарда олан вә експертләрин фикринҹә, кифајәт гәдәр имтијазлардан истифадә едән Азерфонун саһибләрини ҝизләтмәјә үстүнлүк вериб, иҹтимаијјәтә ачыгланан надир мәлуматлар исә һәгигәтә ујғун олмајыб.
«Нар» тиҹарәт маркасынын саһиби «Азәрфон» мобил рабитә ширкәтинин кимә аид олмасы барәдә суаллар һәлә 2006-ҹы илдә, өлкәдә 3-ҹү мобил рабитә оператору олаҹағы барәдә илк мәлумат вериләндән бәри ортаја чыхыб. Вә елә илк ҝүнләрдән Рабитә вә Информасија Технолоҝијалары Назирлији (РИТН) «Азәрфон»ун тәсисчиләри кими Алманијанын «Сиеменс АҜ»-нин вә Британијанын 2 ширкәтинин адыны чәкир.
«СИЕМЕНС АҜ»: «АЗӘРФОН» БИЗИМ ДЕЈИЛ»
Рабитә вә Информасија Технолоҝијалары Назирлијинин
Азадлиг Радиосунун сорғусуна рәсми ҹавабы, 7 ијун 2011
5 ил әрзиндә РИТН дәфәләрлә иддиа едиб ки, «Азәрфон»ун һәмтәсисчиләри арасында «Сиеменс АҜ» ширкәти дә вар. (Буну Назирлик бизим рәсми сорғумуза ҹавабында да гејд едир - ред.) «Сиеменс АҜ» ширкәтиндә исә буну илк дәфә биздән ешитдикләрини дејирләр. «Сиеменс»ин сөзчүсү Моника Бруеҹклмеиер Ланҝендорф сорғумуза ҹавабында дејиб ки, бу ширкәтин нә «Азәрфон ММҸ»дә, нә дә Азәрбајҹандакы диҝәр мобил рабитә ширкәтләриндә пајы јохдур.
Үмумијјәтлә, «Сиеменс» мобил рабитә илә мәшғул олан гурумларыны 2005-ҹи илдә («Азәрфон ММҸ» јаранмаздан әввәл) сатыб.
Дедик, бәлкә, Азәрбајҹан рәсмиләри һәмин бу «Сиеменс»ин хәләфләрини нәзәрдә тутурлар. Амма јох.
Финландијанын «Нокиа Сиеменс Нетwоркс» ширкәтиндән алдығымыз ҹавабда да билдирилир ки, онларын «Азәрфон ММҸ»дә пајы јохдур. Садәҹә бу ширкәт «Азәрфон»а аваданлыг сатыб.
«Мүштәриләримизин пај һиссәләринә саһиб олмаг бизим сијасәтимизә зиддир», - дејә НСН сөзчүсү Анна Леһтиранта она ҝөндәрилән сорғуја ҹаваб вериб.
Гәрибә вәзијјәт алынырды. Бәлкә садәҹә фырылдагдан сөһбәт ҝедир? Кимсә сахта сәнәдләрлә Азәрбајҹанын мүасир технолоҝија базрына чыхмаг фикринә дүшүб?
ВЕРҜИЛӘР НАЗИРЛИЈИ РИТН МӘЛУМАТЫНЫ ТӘКЗИБ ЕДИР
Рабитә Назирлији вә "Сиеменс"ин дабан-дабана зидд ачыгламларына Азәрбајҹанын башга бир рәсми гуруму сон гојур. Верҝиләр Назирлијинин «Азәрфон ММҸ»нин тәсис сәнәдләриндән вердији чыхарышда дејилир ки, Әдлијјә Назирлијинин 1105-Т13-3906 нөмрәси илә гејдә алдығы «Азәр
