ИЛАҺИ ГАНУН ГАНУНЛАРЫН ӘН ҜӨЗӘЛИДИР
Гуранда өрпәјин һикмәти һаггында (2)
Мәрһәмәтли вә рәһимли Аллаһын ады илә!
Әввәли өтән сајымызда
...
Ислам, ҹәмијјәтин ҹаванларынын шәһвәт хәстәликләринә дүшмәмәсинә, гадын вә ҹаван гызларын иффәт вә шәхсијјәтләринин там шәкилдә горунмасындан өтрү өрпәји ваҹиб едир вә Гуранда бу һагда јенә охујуруг:
“Еј Пејғәмбәр, өз зөвҹәләринә, гызларына вә мөминләрин зөвҹәләринә де ки, өрпәкләрини өртсүнләр (онлара бүрүнсүнләр, бојун-боғаз, синә, голлары вә гычлары өртүлсүн). Бу (иш) онларын (һиҹаб вә иффәтлә) танынмасы, (надүрүстләрин онлара) әзијјәт вермәмәси вә инҹитмәмәси үчүн даһа мүнасибдир. Аллаһ һәмишә бағышлајан вә рәһм едәндир.” (Әһзаб сурәси 59-ҹу ајә)
Ајәдә ачыг-ашкар билдирилир ки, әҝәр мүсәлман гадынын башында өртүјү вә ја өрпәји олса, бу онун ҹәмијјәтә олан хүсуси хәбәрдарлығыдыр ки, мән мүсәлман, мөмин гадынам вә мәним һаггымда башга фикрә дүшмәјәсиниз. Тәҹрүбә ҝөстәрир ки, ҹәмијјәт ичиндә күчә-базарларда шәһвәт хәстәлијинә тутулмуш ҹаван
