Әһли Бејт -АБНА- хәбәр аҝентлијинин вердији хәбәрә әсасән: Ливија лидери Мүәммәр Гәззафи өлкәсини тәрк етмәк истәрсә, Түркијә рәһбәрлији она зәманәт вермәјә һазырдыр. Бу барәдә Түркијә баш назири Рәҹәб Тајјиб Әрдоған бәјан едиб.
«Белә ҝөрүнүр ки, Гәззафинин она верилмиш зәманәтләрдән истифадә едәрәк Ливијаны тәрк етмәкдән башга чыхыш јолу јохдур. Биз бу зәманәтләри она ҝөндәрдијимиз нүмајәндәләр васитәсилә вермишик. Гәззафијә чатдырмышыг ки, она сечдији истәнилән өлкәјә ҝетмәкдә көмәк едәҹәјик. Гәззафидән алаҹағымыз ҹавабдан асылы олараг бу мәсәләни мүттәфигләримизлә мүзакирә едәҹәјик. Тәәссүф ки, һәлә дә ондан ҹаваб алмамышыг», дејә баш назир билдириб.
Диггәт: Хәбәрдән истифадә етдикдә мәнбәјә истинад лазымдыр
