Әһли Бејт -АБНА- хәбәр аҝентлијини “Араннеwс”ин мәлуматына әсасән хәбәр верир: Адынын ачыгланмасыны истәмәјән Азәрбајҹан експерт вә сијаси шәхсијјәтләриндән бири Бакыда Аран мүхбири бири илә сөһбәтиндә Азәрбајҹанын һәгиги вәзијјәтинә ишарә етмишдир.
Бу мәлумата ҝөрә танынмыш сијасәтчи вә експерт, Президенти мүдафиә етмәклә јанашы деди: Онун әтрафындакылар өлкәдәки вәзијјәтдән она дүзҝүн мәлумат вермирләр. О (Президент), хүсуси иҹласларын бириндә Фатимеји-Зәһра мәсҹидинин сөкүлмәси барәдә деди: “Мәнә демәдиләр ки, мәсҹиди сөкмәк истәјирләр, дедиләр ки, һәссас бир турист мәнтәгәсиндә јарымчыг галмыш бина вардыр, ону мәсҹид етмәк истәјирләр. Әҝәр һәмин бинаны сөкүб, әтрафыны дүзәлтсәләр ҝөзәл бир турист мәзкәзинә чевриләҹәкдир. Һиҹаб мәсәләсиндә дә мәнә демәдиләр ки, ҹамаатын гызынын башыны ачмаг истәјирләр. Дедиләр ки, мәктәблиләр үчүн бир ҝејим нөвүнүн олмасыны истәјирик вә бу өлкәнин һәр јериндә иҹра олаҹагдыр. Мән буна ҝөрә разылыг вердим.
О, сон вахтларда өз чыхышларынын бириндә деди: Билмирәм нә үчүн бәзи гоншуларымыз бизим барәдә јахшы фикирләшмирләр. Онун “бәзи гоншулар”дан мәгсәди Иран иди.
Сијаси иҹмалчы сөзүнүн давамында ачыглады: Президент хүсуси иҹласларын бириндә деди: “Һиҹаб мөвзусу сакитҹәсинә, ашкар олмадан вә тәблиғатсыз һәлл олмалыдыр. Һал-һазырда һиҹаб мөвзусу бизим үчүн һејсијјәти бир мөвзуја чеврилмишдир. Нә буну давам етдирмәк мүмкүндүр, нә дә ҝери чәкилмәк”.
Експерт, Азәрбајҹан дөвләтинин һиҹабы гадаған етмәси илә өзү үчүн бөјүк бир проблем јаратмасыны, диндарлар арасында мөвгејини итирдијини ачыгламасы илә јанашы, дөвләтин мүхалифләринин биринин белә дедијини гејд етди: “Һиҹабын јасагланмасы бизим үчүн ҝөзләмәдијимиз бир төһфә иди”.
О, ејни һалда медијанын вә бәзи азәриләрин Иранла мүхалифәтини әсаслы билдириб деди: Азәрбајҹан Республикасы өз нәзәрләрини гејри-рәсми сурәтдә бу медијаларын дили илә ачыглајыр вә Иранла мүхалифәти јолу илә хүсуси имтијазлар газаныр. Азәрбајҹан дөвләти белә бир мүстәсна мөвгени Ирана ҝөрә әлдән вермәјәҹәк.
Бу сијаси иҹмалчы һөҹҹәтүл-ислам Амилинин Гарабағ мәсәләсиндә Азәрбајҹан һакимләри барәдә ачыгламасыны да тамамилә сәнәдләр әсасында олдуғуну билдирди вә деди: Мән өзүм Иран һәрби гүввәләринин Һејдәр Әлијевин гаршысында парад кечдији видео филмә бахмышам. Бу видео филмләр һал-һазырда Азәрбјҹанда вә Иранда мөвҹуддур. Азәрбајҹан дөвләтинин ҹәнаб Амилинин ачыгламасына әксүл-әмәл ҝөстәрмәмәси өзү гәти сәнәддир. Бу ачыглама инкар олдуғу сурәтдә Иран һәмин сәнәдләрин бирини ҝөстәрмәклә Азәрбајҹан ҹәмијјәти арасына дәрин тәсир гоја биләр.
О, давам едиб деди: О заман азәри шәхсијјәтләрдән бир чохунун әфган дөјүшчүләри илә әлагәләри вар иди. Оналар ҹәбһәдән кәнарда азәри мәсуллары ҝөрдүкдә ҝилеј едиб дејирдиләр: Биз шәһадәт арзусу илә Гарабаға ҝәлмишик, амма сизин забитләр ҝүлләни дә бизә пулла сатмаг истәјирләр. О деди: Иранлы дөјүшчүләрин “Күмејл” дуасында иштиракыны һеч вахт јаддан чыхармарам.
Експерт давам едиб деди: Ҹәнаб Амилинин ачыгладыглары Иранын Азәрбајҹанын Гарабағына јардымларынын миндә бири дә дејил. Амма Азәрбајҹан дөвләтинин сијасәти бу көмәкләрдән сөз ачмаға имкан вермәди, үстәлик әкс-тәблиғат апардылар ки, Иранын Азәрбајҹанда бир истинад нөгтәси олмасын.
О сөзүнүн давамында деди: Әҝәр мүһарибә вахты Иранын көмәкләри олмасајды, Азәрбајҹан гачгынлары ермәни одундан јаха гуртара билмәјәҹәкдиләр. Биз бу мәсәләдә Ирана миннәтдарыг.
Танынмыш сијасәтчи Иран Ислам Республикасынын Ермәнистан барәдә бу ҝүнкү сијасәтиндән ҝилејләнәрәк, ону бир нөв тәдбирсизлик адландырды вә гејд етди ки, бу Азәрбајҹанда анти-Иран сијасәтләрин артмасына, Иранын кечмиш зәһмәтләринин јаддан чыхмасына вә Иранын тәрәфдарларынын мөвгејинин зәифләмәсинә сәбәб олубдур.
О, “Гарабағын ҝәләҹәјини неҹә ҝөрүрсүнүз?” суалына ҝениш матералларла ҹаваб верди. Имкан олдугда һәмин материаллары ајрыҹа верәҹәјик. Онун бу барәдә сөһбәтинин хүласәси будур ки, Гарабағ мәсәләси артыг Азәрбајҹанын әлиндән чыхмышдыр вә онун ҝәләҹәји бејнәлхалг тәшкилатларын, јәни Америка вә Гәрбин әлиндәдир. Азәрбајҹан дөвләти дә мөвзунун белә галмасындан, фөвгәладә вәзијјәтин өлкәјә һаким олмасындан, буну бәһанә едәрәк мүхалифләри јатырмасындан наразы дејил. Експерт деди: Ики сурәтдән бириндә Гарабағын ниҹатыны тәсәввүр етмәк мүмкүндүр: Биринҹиси, елә бөјүк мүамилә баш тутмалыдыр ки, Американын вә гәрбин мәнтәгәдә мәнафеинә зәманәт версин. Икинҹиси исә будур ки, Азәрбајҹанда деморатик вә халг һөкумәти һакимијјәтә ҝәлсин вә халгын өз әли илә Гарабағ азад едилсин.
Диггәт: Хәбәрдән истифадә етдикдә мәнбәјә истинад лазымдыр
