Әһли Бејт -АБНА- хәбәр аҝентлијинин вердији хәбәрә әсасән: Мајын 26-да Сербијанын хүсуси хидмәт органлары Боснија сербләринин кечмиш лидери Ратко Младичә охшар, өзүнү Милорад Комадич кими тәгдим едән шәхси тутублар.
Сербија полиси Комадичин бәзи әламәтләринин Младичә охшадығыны билдирир. Ратко Младичин Милорад Комадич ады алтында ҝизләндији ҝүман олунур.
Јекун нәтиҹә чыхарылмасы үчүн ДНК анализи ҝөтүрүлүб. Анализ нәтиҹәсинин үч ҝүнә билинәҹәји вурғуланыр.
Кечмиш Југославија үзрә Бејнәлхалг Трибунал 1996-ҹы илдә Ратко Младичи һәрби ҹинајәтләрдә, һәмчинин сојгрымда тәгсирли билиниб. Југославијада Слободан Милошевич режими деврилдикдән сонра Младич ҝизләнмәк мәҹбуријјәтиндә галыб. 2006-ҹы илдә онун һәбси һагда мәлумат јајылса да, сонрадан бу хәбәр тәкзиб олунуб.
Һаага мәһкәмәси Младичин Боснијада Хорватија вә мүсәлман әһалисинә гаршы сојгырымда мәсулијјәт дашыдығыны һесаб едир. Узун заман Младичлә бирликдә Сербија Республикасынын сабиг лидери Радован Караҹич дә ахтарышда олуб. Караҹич 2008-ҹи илдә Сербијада һәбс едилиб.
Мајын 26-да тәҹили мәтбуат конфрансы кечирән Сербија президенти Ратко Младичин бу ҝүн сәһәр өлкә әразисиндә тәһлүкәсизлик органларынын апардығы әмәлијјатда һәбс олундуғуну вә артыг екстрадисија просесинин башландығыны вурғулајыб.
Диггәт: Хәбәрдән истифадә етдикдә мәнбәјә истинад лазымдыр
