Әһли Бејт -АБНА- хәбәр аҝентлијинин вердији хәбәрә әсасән: Украјнанын сабиг баш назири Јулија Тимошенко мајын 24-дә Кијевин Печорск Рајон Мәһкәмәсинин гәрары илә сахланыб.
Мәһкәмәнин хидмәти фәалијјәт саһәсиндә ҹинајәт ишләринин арашдырылмасы шөбәсинин рәиси Олег Пушкар журналистләрә ачыгламасында Тимошенконун истинтаг һәрәкәтләрини поздуғуна ҝөрә сахландығыны билдириб: “Тимошенко истинтаг һәрәкәтләрини дәфләрлә поздуғуна ҝөрә Баш Прокурорлуғун мүстәнтиги мәһкәмәјә мүраҹиәт едиб. Һазырда Тимошенко илә бағлы истинтаг һәрәкәтләри апарылыр вә просес баша чатан кими о, евә бурахылаҹаг”.
Тимошенкоја гаршы ики ҹинајәт иши галдырылыб. Биринҹи иттиһама ҝөрә, Тимошенко 480 милјон авронун хәрҹләнмәсиндә вә тәҹили јардым машынларыны аларкән вәзифә сәлаһијјәтләрини ашмагда иттиһам олунур. Она гаршы галдырылан икинҹи иш Русија илә газ мүгавиләләри илә бағлыдыр. Сабиг баш назирдән өлкәни тәрк етмәмәк һагда илтизам алыныб.
Диггәт: Хәбәрдән истифадә етдикдә мәнбәјә истинад лазымдыр
