Бунун Исҝәндәр Һәмидова нә дәхли вар? Биз һаггында данышаҹағымыз бир шәхсин өнҹә доғручу олуб-олмамасы суалына мөһүрлү ҹаваб вермәк истәјир. Исҝәндәр Һәмидов доғручудурму? Бу адамын бәјанатларына, чыхышларына, мүсаһибәләринә етимад етмәк олармы?
Гыса арајыш: 1948-ҹи илдә Кәлбәҹәр рајонунда анадан олмуш Исҝәндәр Мәҹид оғлу Һәмидов 1992-ҹи ил 16 мај тарихиндән 16 апрел 1993-ҹү ил тарихә гәдәр Дахили Ишләр Назири постунда олуб - 11 ај! Әввәлләр ДИН-ин ОБХСС дејилән бир бөлмәсиндә шөбә рәиси олуб. 1992-ҹи илин август-октјабр ајларында 701 нәфәр мәһбусу һәбсдән азад етмәк, “Истиглал” гәзетинин редакторуну вә әмәкдашыны дөјмәк, 400 мин АБШ долларыны мәнимсәмәк вә исраф етмәк иттиһамлары илә 14 ил мүддәтинә азадлыгдан мәһрум едилиб. 2003-ҹү илин декабрында шәртлә әвф едилиб, әлиндә ҝүл дәстәси бирбаша Һејдәр Әлијевин зијарәтинә ҝедиб.
Нәдир Һәмидовун данышығына јалан мөһүрү вуран? Назир ишләдији вахт Һәмидов фәрасәтли, Гарабағ савашындан тәҹрүбә јығмыш омончулары ҝизли данышыгларла Ҹавадовдан ајырыб, назирликдә ишә ҝөтүрмәк кампанијасы апарыб. Бир омончу илә сөһбәтинин лент јазысы Ҹавадовун гаршысына гојулдугдан сонра Ҹавдов бир нечә омончу илә ДИН-нин бинасына ҝәлиб, Ҹавдобун гәзәбини ҝөрән бүтүн мүһафизә хидмәти гачыб ҝизләниб вә Ҹавадоб Һәмидову отағында шкафдан чыхардыб әзишдириб. Буну Азәрбајҹан јох, дүнја билир. Бу факта Һәмидовун мүнасибәти: “Рөвшәнлә бирликдә ушаг бағчасына ҝетмишәм. Рөвшән Дахили Ишләр Назирлијиндә Низами адлы әмәкдашымла савашмышды. Онда мән өлкәдә јох идим. Ҝәләндән сонра Рөвшән мәни ҝөрүб ағлајыб деди ки, башым хараб олуб, нә еләдијими билмирәм…” Бу сөзләри данышаркән шүбһәсиз ки, Һәмидов гызарыр. Јалан данышанда бүтүн инсанларда бу һал мүшаһидә едилир. Бүтүн инсанларда!
Һәмидовла јахындан таныш олмаг үчүн һүгуг мүдафиәчиси Чинҝиз Гәнизадәнин ачыг мәктубундан бәзи сәтирләр:
“Ҹәсарәтин” һагда бир нечә кәлмә. 15 мај, 1992-ҹи илдә халг Ајаз Мүтәллибовун һакимијјәтә јенидән гајытмасына етираз едәрәк күчәләрә чыхыб Али Советин бинасына јүрүш кечирәркән сән дә халгын арасында идин. “Москва” меһманханасынын гаршысына чатаркән атәш сәсини ешидиб јоха чыхдын. Мәним рәһбәрлијимлә АзТВ-нин бинасы тутуландан вә мәним телевизија илә халга мүраҹиәтимдән 2-3 саат сонра сән Али Советә ҝәләрәк ашағыдакылары билдирдин: “Мәни снајперлә вурдулар. Ҝүллә зәһәрли иди. Шүкүр Аллаһа ки, ҝүллә голуму сыјырараг кечди”. Вә гашығын архасы илә сыјырдығын голуну ҝөстәрдин. Һамы сәнин “ҹәсарәтинә” ҝүлүрдү.
1993-ҹү илдә мәрһум Рөвшән Ҹавадов сәнин назир отағына һүҹум едәркән арха гапыдан гачдын. Көмәкчин Низамини голундан ҝүллә илә вурмуш, назир кабинетини дармадағын етмишдиләр. Сән исә отағында мәнә јалварырдын ки, факта ҝөрә ҹинајәт иши башламајым, чүнки Рөвшәндән горхурдун!
Халг сәнә авантүрист, јаланчы, горхаг, сатгын вә тәрбијәсиз кими бахыр. Популист бәјанатларла, “бир машын ермәни гулағы ҝәтирәҹәм” дејәрәк илк атәш сәсләринә јолдашларыны гојуб гачан, сәни назир постуна тәјин едән бир шәхсин, рәһмәтлик Әбүлфәз Елчибәј һакимијјәтинин әлејһинә 4 ијун Ҝәнҹә гијамындан 1 ҝүн сонра - ијунун 5-дә митинг кечирмәк истәјән, сонра бир командада олдуғун вә чөрәк кәсдијин шәхсләрин өзләри вә аиләләри һагда тәрбијәсиз ифадәләр ишләтмәјин, сонра да һәмин шәхсин тәшкил етдији мәтбуат конфрансында отуруб өзүнә гаршы сөјүшләрин үзүнә дејилмәсинә һеч нә олмамыш кими гулаг асмағын вә 2 ҝүн өнҹә дедикләриндән имтина етмәјин һамынын ҝөзү гаршысында олуб…
Азәрбајҹанын јаланчы гәһрәманы олмаг хүлјасында олан шәхсин 2 ҝүн өнҹә мүсаһибәсиндәки ифадәләринә диггәт јетирәк: “Мәнә јалныз Кәлбәҹәр - вәтәним, дәдәмин гәбри олан јер дигтә едә биләр! Мәндә Кәлбәҹәр әхлагы вар!” ( Һәмидов миллијјәтҹә күрддүр вә түркчүлүјү карјера үчүн бир шүар едиб)
Јадындадырса, назир оларкән мәним јанымда Рәһим Газыјевлә телефонла данышырдын. Она “ҹан, гардаш, гардаш” дејирдин. Дәстәји асан кими онун далынҹа чох әдәбсиз сөјүшләр ишләтдин… Президент Илһам Әлијев сәни әфв етди, ҝедиб Һејдәр Әлијевин мәзарыны зијарәт етдин. Дәрһал бәјанат вердин ки, Гарабағын азад олунмасы үчүн истәнилән вәзифәни иҹра едә биләрәм.
Сән Елчибәјә, онун һөкумәтинә хәјанәт етмишдин. Белә олмасајды, телевизијаја ҝириб баш назир Пәнаһ Һүсејнин гатылдығы ҹанлы јајымда “түпүрүм сизин һөкумәтинизә” демәздин. Өзүн дә о заман о һөкумәтин бир үзвү идин!
19 феврал, 2011-ҹи ил тарихдә “Јени Мүсават” гәзетинин мүхбиринә мүсаһибә верәркән журналистин суалларына ана сөјүшү илә ҹаваб вермисән! Сәни гынамырам. Сән назир олсан да сырави милисионер сәвијјәсиндән јухары галха билмәдин (бүтүн сырави полисләрдән мүгајисәјә ҝөрә үзр истәјирәм).
Сәнин назир ишләдијин дөврдә Нәсими рајонунда бир өлүм һадисәси баш вермишди, сәнин “Боз гурдлар”ын гапы архасында евә атәш ачараг јашлы бир гадыны өлдүрмүшдү…
Баш прокурорун мүавини Мәтләб Мүтәллимлини һәбс етдирмәк үчүн Сумгајыта 20 нәфәрлик полис дәстәси ҝөндәрмишдин. Тапшырмышдын ки, ону машынын багажына басыб ҝәтирим…
Бу ҝүн өмүрлүк һәбсдә јатан Иса Оруҹову сән бәдбәхт етдин! Өзүн билирсән нәји нәзәрдә тутурам!.. (Мүәммалыдыр!)
О вахткы мүавинин рәһмәтлик Гүдрәт Пашајевин башчылығы алтында 50 нәфәрлик әмәлијјат групу јарадараг Һаҹы Галиби һәбс едиб Бакы Шәһәр Баш Полис Идарәсинә ҝәтирмишдин…
17 ијул, 1993-ҹу илдә парламентдә рәһмәтлик Һејдәр Әлијевә дедикләрини јадына салырам: “Һејдәр бәј, һамы мәнә дејир ки, мән Сизин баҹыныз оғлујам. Елә Сиз дә олун мәним дајым”. Амма јарына билмәдин. Чүнки рәһмәтлијин сәнин кими баҹы ушагларына еһтијаҹы јох иди!..Бу Гәнизадәнин мәктубундан сәтирләр иди..
Һәмидовла бағлы башга мәгамы бир вахт һәбсә алдығы, шејхин гудасы һаҹы Галиб ачыглајыр.Депутат Галиб Салаһзадә (Һаҹы Галиб) бәјанат јајараг һүгуг-мүһафизә органларындан Исҝәндәр Һәмидовун ҹәзаландырылмасыны тәләб едиб.
“Исҝәндәр Һәмидову ким данышдырыр?” адлы мәгаләдә Илһам Әлијевин ҝөстәриши илә башланан антикоррупсија тәдбирләрини истәмәјән олигархларын олдуғу билдирилир. Гејд олунур ки, һәмин олигархлар вурулмаг нөвбәсинин онлара чатаҹағыны билирләр вә она ҝөрә дә просесә һәр ҹүр мане олмаға чалышырлар. Бу сырада конкрет олараг фөвгәладә һаллар назири Кәмаләддин Һејдәровун ады чәкилир. Исҝәндәр Һәмидовун да гәфил ҝ
