Әһли Бејт -АБНА- хәбәр аҝентлијинин вердији хәбәрә әсасән: Бакы шәһәри Сабунчу гәсәбәсиндәки 215 сајлы орта мәктәбдә мүәллимләр тәрәфиндән валидејнләрдән “тәмир” ады илә јығылмыш пулларын валидејнләрә гајтарылмасы ләнҝијир. Бу барәдә Фактххебер.Ҹом-а һәрби журналист, “Доктрина” Журналистләрин Һәрби Арашдырмалар Мәркәзинин рәһбәри Ҹәсур Сүмәринли мәлумат вериб. Онун сөзләринә ҝөрә, мәктәб рәһбәрлији Бакы шәһәри үзрә Тәһсил Идарәсинин нүмајәндәләринин иштиракы илә мајын 13-дә әлдә олунмуш разылашманын әсас мүддәасынын јеринә јетирилмәсини ләнҝидир.
“Мәндә олан мәлумата ҝөрә, 700 нәфәрдән артыг шаҝирди олан мәктәбдә јалныз 70-ә јахын шаҝирдин пулу ҝери гајтарылыб, онларын бәзиләринин валидејнләринә кағыза имза атдырараг пуллары гајтарыблар, галан бөјүк чохлуғун валидејнләринин пулларынын гајтарылмасы шүбһә алтындадыр. Белә ҝөрүнүр ки, мәктәб рәһбәрлији гәсдән бу просеси ҝеҹикдирир”, - дејә Ҹ.Сүмәринли билдирди.
Хатырладаг ки, мај ајынын 13-дә Бакы Шәһәри үзрә Тәһсил Идарәсинин ики әмәкдашы – Елмира Хәлилова вә Фәрман Абдуллајев Сабунчу рајону 215 сајлы орта мәктәбдә коррупсија факты үзрә арашдырма апарыблар. Арашдырма һәрби журналист Ҹәсур Сүмәринлинин (Мәммәдов) мајын 12-дә Президент Илһам Әлијевә вә Тәһсил Назирлијинин “гајнар хәтт”инә үнванладығы коррупсија факты үзрә апарылыб. Шаҝирд валидејни олан Ҹ.Сүмәринли һәмин мәктәбдә тәмир ады илә ушаглардан 5-7 манат ҹиварында пул јығылдығыны билдирмишди. Һалбуки 215 сајлы орта мәктәбин ады президентин имзаладығы "2011-2013-ҹү илләрдә Бакы шәһәринин вә онун гәсәбәләринин сосиал-игтисади инкишафына даир Дөвләт Програмы" чәрчивәсиндә һәјата кечириләҹәк тәдбирләрин објектидир (2.8.72. маддә).
Ҹ.Сүмәринли бәјан едиб ки, валидејнләрдә бөјүк наразылыг вар вә бу пул јығылмасы президентин елан етдији коррупсијаја гаршы һамылыгла мүбаризә стратеҝијасына ујғун дејил. “Хаһиш едирәм бу өзбашыналығын дурдурулмасына вә јығылмыш пулларын валидејнләрә гајтарылмасына ҝөстәриш верәсиниз”, - дејә Ҹ.Сүмәринли мүраҹиәтиндә билдирмишди.
Мајын 13-дә Тәһсил Идарәсинин нүмајәндә һејәти, мәктәб рәһбәрлији илә Ҹәсур Сүмәринли арасында кечирилән ҝөрүшдә шикајәтчи тәрәф проблемләри диггәтә чатдырыб вә билдириб ки, тәһсилдә, хүсусилә дә орта мәктәбләрдә рүшвәт , шаҝирдләрин бу просесдә аләт кими истифады олунмасы јолверилмәздир. Бу мөвге Тәһсил Идарәсинин нүмајәндәләри тәрәфиндән дә тәсдигләниб. Тәһсил Идарәсинин нүмајәндәләри проблемләрин арашдырылма просесинин давам етдрирләҹәјини вә аноним сорғулар кечириләҹәјини гејд едибләр. Ҝөрүшүн сонунда ашағыдакы нәтиҹәләр разылашдырылыб:
1. Валдејнләрдән јығылан пуллар гыса заман кәсијиндә ҝери гајтарылаҹаг;
2. Шаҝирдләрин пулјығма просесиндә аләт кими истифадә олунмасына сон вериләҹәк;
3. Пул вәсаитләринин гејри-легал јола топланмасы просесинә сон гојулаҹаг;
4. Мүхтәлиф тәдбирләр адына пул јығылмасы мүмкүнлүјүнүн проседурлары дәгигләшдириләҹәк вә бунун сәнәдли шәкилдә һәјата кечирилмәси имканлары өјрәниләҹәк;
5. 215 сајлы мәктәбдә Валидејн – Мүәллим Ассосиасијаларынын јарадылмасы имканлары өјрәниләҹәк.
