Әһли Бејт -АБНА- хәбәр аҝентлијинин вердији хәбәрә әсасән: Бир нечә ҝүндүр Иранын Әрдәбил вилајәтинин имам-ҹүмәси Сејид Һәсән Амулинин Гарабағ проблеминин јаранан ҝүндән Иранын Азәрбајҹана неҹә дәстәк вермәсини ҝөстәрән сөзләри мәтбуатда әсас ҝүндәм мөвзусудур. Имам-ҹүмәнин сөзүҝедән фикиләри арасында әсасән 2 шәхсин – кечмиш мүдафиә назири Рәһим Газыјевин вә кечмиш ОМОН рәһбәри Рөвшән Ҹавадовун адлары чәкилир. Вә билдирилир ки, мөвҹуд һөкүмәтин разылығы, Рәһим Газыјевин вә Рөвшән Ҹавадовун хаһиши илә мүдафиә системини гурмаг үчүн мүштәрәк гәрарҝаһ јарадылыб.
Мәсәләнин ҹиддилијини нәзәрә алыб кечмиш ОМОН рәһбәри мәрһум Рөвшән Ҹавадовун гардашы, һазырда мүһаҹирәтдә јашајан Маһир Ҹавадовла әлагә сахладыг. Бу барәдә ФактХебер.ҹом-а ачыглама верән М.Ҹавадов факты тәсдигләди: “Бәли, бунлар фактдыр! Гарабағ мүһарибсиндә Иранин бизә һәрби көмәјинин гаршысыны о вахтки рәһбәрлик Ермәнистанла Гарабағла бағлы имзаладыглары 12.05.1994-ҹү ил тарихли әбәди (бу сөзү мәһз Әлијевләр о сәнәдә рәсмән әлавә едибләр) атәшкәс мүгавиләсини имзаламагла алыблар. Мәним билдијимә ҝөрә, Елчибәј Гарабағын ермәниләрә верилмәси үчүн чалышырды. Ермәниләр танкларла Фүзулијә һүҹум едәркән, Рөвшән Ҹавадов о заманлар Баш Командан олан Елчибәјдән хаһиш етмишди ки, онун сәрәнҹамында олан анбарлардакы танк әлејһинә силаһлары ОМОН-а версин. О исә онлары вермәсин дејә, Аз.ТВ илә чыхыш едәрәк демишди ки, әҝәр Иран танклары Азәрбајҹана һүҹум етсәләр, о заман о гарнына мина бағлајыб өзүнү танкларын алтына атаҹаг. Һалбуки, о анларда бизим үстүмүзә Иран танклары јох, ермәни танклары һүҹум едирдиләр. Јәни, Елчибәјин Азәрбајҹаны ермәниләрдән горумаг фикри јох иди.”
Диггәт: Хәбәрдән истифадә етдикдә мәнбәјә истинад лазымдыр
