Әһли Бејт АБНА хәбәр аҝентлијинин вердији хәбәрә әсасән: Ермәнистанын мүдафиә назири Сејран Оһанјан Иранын али дини рәһбәри Имам Хаменеинин нүмајәндәси Сејид Һәсән Амилинин Иранын Гарабағ мүһарибәси заманы Азәрбајҹана һәрби дәстәк ҝөстәрмәси илә бағлы бәјанатыны тәсдиг едиб. Бу барәдә СаламНеwс ермәни мәтбуатына истинадән хәбәр верир.
Оһанјан сөјләјиб ки, Гарабағ мүһарибәсинин мүәјјән мәрһәләсиндә мүнагишә зонасында әфган мүҹаһидләриндән тәшкил олунмуш дәстәләр фәал дөјүшүб. Оганјан бу сөзләри ајәтуллаһ Амилинин чыхышы илә бағлы парламентә изаһат верәрәкән сөјләјиб.
имам-ҹүмә ајәтуллаһ Амили бәјан едиб ки, Азәрбајҹанла Иран арасында әлагәләр мөһкәм тарихи вә дини көкләрә әсасланыр. Лакин Гәрб Дағлыг Гарабағ проблеми илә спекулјасија едәрәк ики гардаш халг арасында ихтилаф салмаг истәјир.
Имам-ҹүмә һәмчинин гејд едиб ки, Гарабағ мүһарибәси заманы Азәрбајҹан-Иран бирҝә мүдафиә гәрарҝаһы јарадылыб. Бу чәрчивәдә Тәбриз вә Әрдәбил ҝенераллары ҝеҹә-ҝүндүз ермәни агрессијасынын гаршысыны алмаг үчүн әлләриндән ҝәләни едир, азәрбајҹанлы гардашларына көмәк ҝөстәрирдиләр.
“Иран һәмчинин лазым оланда Әфганыстандан ҝәтирилмиш минләрлә дөјүшчүнүн ҹәбһә хәттинә чатдырылмасына јардым ҝөстәриб. Биз ермәниләри дејил, азәрбајҹанлы гардашларымызы силаһ вә сүрсатла тәмин етмишик. Бизим һәрби һазырлыг базаларымыз Ермәнистанда дејил, Азәрбајҹанда јерләшиб. Бу ҝүн Азәрбајҹанда мәним сөзләрими тәсдигләјәҹәк минләрлә инсан јашајыр”, - дејә ајәтуллаһ Сејид Һәсән Амили бәјан едиб.
П.С. Ҹәнаб Амили буну да гејд едиб ки, Азәрбајҹан һөкумәти АБШ, Гәрб вә Исраилин тәзјигләри алтында Иранын јардымларындан имтина едиб, һәтта Гарабағда дөјүшән иранлылара һәбсханаларда ишҝәнҹә верилиб.
Диггәт: Хәбәрдән истифадә етдикдә мәнбәјә истинад лазымдыр
