Әһли Бејт АБНА хәбәр аҝентлијинин вердији хәбәрә әсасән: Молдова православ килсәсинин јепископу өлкәдә Ислам Лигасына рәсми статус верилмәсинин әлејһинә чыхыш едиб.
Јепископ Фашизм Үзәриндә Гәләбә Ҝүнүнә һәср олунмуш мәрасимдә тәдбир иштиракчыларыны өлкәнин мүсәлманлашдырылмасынын әлејһинә етираз аксијасы кечирмәјә чағырыб.
Јепископ диндарлардан буна лагејд галмамағы хаһиш едәрәк дејиб: “Она ҝөрә ки, сабаһ, о бири ҝүн артыг ҝеҹ олаҹаг”.
“Униунеа Сперанта” Иҹтимаи Бирлији мајын 18-дә Молдовада исламлашма әлејһинә тәдбир кечирмәјә гәрар вериб.
Ислам Лигасынын рәһбәри Серҝеј Сокирк исә јепископун чыхышынын Молдова Республикасынын ганунвериҹилијинә зидд олдуғуну вурғулајыб: “Биз демократик принсипләрин мөвҹуд олдуғу һүгуги дөвләтдә јашајырыг. Онлар ҹәмијјәт гаршысында бу ҹүр чыхышлар етмәздән әввәл ганунла таныш олмалыдырлар”.
Бу илин јазында рәсми статус алан Ислам Лигасы Молдовада илк мүсәлман тәшкилатыдыр.
Јепископдан әввәл дә Ислам Лигасынын рәсми статус алмасына етираз едәнләр олуб.
Диггәт: Хәбәрдән истифадә етдикдә мәнбәјә истинад лазымдыр
