Әһли Бејт АБНА хәбәр аҝентлијинин вердији хәбәрә әсасән: Иран Ислам Республикасы Әхлаг Тәһлүкәсизлији Полисинин рәиси Әһмәд Рузбеһани мајын 9-да журналистләрә ачыгламасында билдириб: “Бәзиләри ҝүман едир ки, полисин һиҹабсызлыға гаршы фәалијјәти дајандырылыб. Һалбуки белә дејил. Мүәјјән ләнҝимә ола биләр, анҹаг мүбаризә дајанмајыб”.
О дејиб ки, бу ил әхлаг тәһлүкәсизлији лајиһәсини һәјата кечирмәк үчүн полисин фәалијјәти даһа да ҝүҹләндириләҹәк, лајиһәнин реаллашдырылмасында 70 мин полис әмәкдашы иштирак едәҹәк: “Автомобилләрин ичиндә башыачыг ҝәзән гадынларын автомобилләри сахланылаҹаг, өзләри исә полис бөлмәләринә ҹәлб едиләҹәкләр. Полисин күчә вә мејданларда, паркларда, әјләнҹә мәркәзләриндә вә диҝәр иҹтимаи јерләрдәки нәзарәти дә ҝүҹләндириләҹәк”.
Диггәт: Хәбәрдән истифадә етдикдә мәнбәјә истинад лазымдыр
