Әһли Бејт -АБНА- хәбәр аҝентлијинин вердији хәбәрә әсасән: Азәрбајҹанда орта мәктәбләрдә һиҹаб гадағасына етираз әламәти олараг јенә Бакыда аксија кечирилиб.
Ислам-Азери.аз Интернет гәзетинин хүсуси мүхбиринин вердији хәбәрә ҝөрә, минә јахын ҝәнҹ Тәһсил Назирлијинин гаршысына топлашыб.
Онлар "һиҹаба азадлыг!", "биз зүлм етмәрик зүлмә бојун әјмәрик!", "Мисир истефа!" шүарлары сәсләндирибләр.
Әразијә чох сајда полис гүввәләри дә ҹәлб едилиб. Полис бир нечә нәфәрин башына дәјәнәклә вуруб. Ҹидди хәсарәт аланлар вар. Һадисә шаһидләринин вердији мәлумата ҝөрә, етираз едән гадынлара гаршы да зор тәтбиг олунуб вә онлардан да һәбс едиләнләр вар. Аксија 25-30 дәгигә давам едиб. Лакин чох сајда полис гүввәси аксија иштиракчыларыны груплара бөләрәк һәбс етмәјә башлајыб.
Ислам-Азери.аз Интернет гәзетинин хүсуси мүхбиринин вердији хәбәрә ҝөрә, аксијанын дағыдылмасы үчүн мүлки ҝејимлиләрдән истифадә едилиб.
Диггәт: Хәбәрдән истифадә етдикдә мәнбәјә истинад лазымдыр
