Әһли Бејт -АБНА- хәбәр аҝентлијинин вердији хәбәрә әсасән: “Фреедом Һоусе” дүнјада мәтбуат азадлығына даир јени һесабат јајыб. Һесабатда Азәрбајҹан јенә дә “азад олмајан өлкәләр” сырасында јер алыб. Азәрбајҹан тәшкилатын гијмәтләндирмә апардығы 196 өлкә ичәрисиндә 171-ҹи јердәдир.
Һесабатда дејилир ки, 1998-ҹи илдә Азәрбајҹанда сензура ләғв едилсә дә, һөкумәт сензуранын мүхтәлиф формаларындан истифадә етмәкдә давам едир. Тәшкилат бу мәнада "Ҝүндәлик Азәрбајҹан" гәзетинин рәһбәри Ејнулла Фәтуллајевин ишини мисал чәкир: “Азәрбајҹанда дөвләт вә һаким партија мәтбуат саһәсиндә доминантлыг едир. Вә бу өлкәдә плүрализмә зијан вурур. Мүстәгил журналист вә блогчулар мүхалиф фикирләрини сөјләдикләри үчүн һүгуги вә физики тәзјигләрлә үзләшмәкдә давам едирләр. 2010-ҹу илдә Азәрбајҹан рәсмиләри ачыг шәкилдә Авропа Инсан Һаглары Мәһкәмәсинин әдаләтсиз олараг һәбс едилмиш журналист Ејнулла Фәтуллајеви азад етмәк һагда гәрарына гаршы чыхыблар”.
Һесабатда дејилир ки, журналистләрә гаршы зоракылыглара ҝөрә өлчү ҝөтүрүлмүр, ҹәзасызлыг шәраити медиаја тәзјигләр едәнләри горујур. Бөһтан јазмаг Азәрбајҹанда ҹинајәт әмәли сајылыр вә һөкумәт буну тез-тез өз сијаси мәгсәдләри үчүн истифадә едир.
Террорчулуг, хулиганлыг, наркотик сахламаг, әдавәт гызышдырмаг, верҝидән јајынма кими иттиһамлар да журналистләрә гаршы истифадә едилир.
2010-ҹи илин парламент сечкиләри заманы журналистләрә гаршы тәзјигләр даһа да артыб. Сечки өнҹәси дөвләт вә иҹтимаи јајымда биртәрәфлилик мүшаһидә едилиб, һөкумәти тәнгид едән бир нечә Интернет сајты бағланыб. Сечкини ишыгландыран журналистләрә тез-тез тәзјигләр едилиб. Бир нечә журналист, о ҹүмләдән “Азадлыг” радиосунун мүхбири вә Репортјорларын Азадлығы вә Тәһлүкәсизлији Институтундан бир журналист сечки фырылдагларына шаһид оландан сонра сахланыб.
Һесабатда гејд едилир ки, өтән ил "Хурал" гәзети вә онун баш редактору Әвәз Зејналлыја гаршы ҹинајәт вә мүлки иттиһамларла бағлы мәһкәмә иддиалары галдырылыб вә гәзет гүввәси чатмајаҹаг мәбләғдә компенсасија өдәмәјә мәһкум едилиб.
"Фемида 007" гәзетинин баш редактору Әјјуб Кәримов да Дахили Ишләр Назирлијинин иддиасы илә бөһтанда иттиһам едиләрәк 1,5 иллик "ислаһ ишләринә" вә әмәк һаггынын 15 фаизини дөвләтә өдәмәк ҹәзасына мәһум едилиб.
"Фреедом Һоусе" билдирир ки, Азәрбајҹан һөкумәти өлкә ганунвериҹилијинин тәләбинә ујғун олараг тәсис едилмәли Мәтбуат Омбудсманы институтуну һәлә дә јаратмајыб. Дөвләт органлары информасија алмаг үчүн едилән мүраҹиәтләрә јенә дә системли шәкилдә ҹаваб вермәкдән имтина едирләр.
Електрон КИВ демәк олар ки там шәкилдә һөкумәт вә онун мүттәфигләринин әлиндәдир. “Азадлыг”, “ББҸ” вә “Американын сәси” кими хариҹи радиолар ФМ далғасындан мәһрум едилиб.
Интернет медиа ҝүҹләнир вә бу, һөкумәтин диггәтини ҹәлб едиб. 2 танынмыш блогчу Емин Милли вә Аднан Һаҹызадә хулиганлыгда иттиһам едиләрәк һәбс олунуб вә даһа сонра 2010-ҹу или һәбсдә кечириб.
2010-ҹу илдә журналистләрә тәзјигләр 2005-ҹи иллә мүгајисәдә аз олса да, тәшкилат бунун президент Илһам Әлијевин өз һакимијјәтини ҝүҹләндирмәси, мүхалифәтин зәифләмәси, ҹәмијјәтдә горху вә лагејдлијин јүксәк сәвијјәдә олмасы илә бағлы олдуғуну билдирир.
1941-ҹи илдә Америкада јарадылан "Фреедом һоусе" дүнјада демократијанын јајылмасына чалышан гејри-һөкумәт тәшкилатыдыр
Диггәт: Хәбәрдән истифадә етдикдә мәнбәјә истинад лазымдыр
