Әһли Бејт -АБНА- хәбәр аҝентлијинин вердији хәбәрә әсасән: Иран Ислам Республикасынын "Вилаји Хәтибләр" (моизәчиләр) Асоссиасијасынын рәһбәри Аббас Әмирифәр (Рәһим Мәшшаинин һимајәдары) өтән ҝеҹә Имам Меһди илә бағлы филмин чәкилишинә көмәк ҝөстәрдији үчүн Руһаниләр үчүн хүсуси мәһкәмә тәрәфиндән һәбс олунуб.
Бир нечә ај әввәл Иранда "Гајыдыш чох јахындыр" филми јајымланыб. Бу филмдә бүтүн сәмави динләрин хәбәр вердији вә шиәләрин 12-ҹи имам һесаб етдикләри Меһдинин гајыдыш әламәтләри әкс олунуб. Мүсәлманларын инанҹына ҝөрә, Имам Меһди (868-ҹи илдә доғулуб) һазырда танрынын истәји илә ҝизли һәјат јашајыр вә бир заман дүнјаны әдаләтлә тәмин етмәк үчүн ҝери гајыдаҹаг.
Филмдә Мүсәлманларын дини лидери ајәтуллаһ Әли Хамнеји Сејјид Хурасанијә, Президент Маһмуд Әһмәдинежад исә Шүәјб ибн Салеһә бәнзәдилиб. Шиәләрин инанҹына ҝөрә,бу ики шәхсијјәт Имам Меһдинин дүнјаны зүлмдән хилас етмәсинә көмәк ҝөстәрәҹәк.
Иранда бир чох нүфузлу дин хадимләри, о ҹүмләдән ајәтуллаһ Мәкарим Ширази, Ҹәфәр Субһани, Вәһид Хорасани вә с. бу филмин чәкилишинә вә јајымланмасына кәскин етираз едиб.
МЕҺР аҝентлијинин мәлуматына ҝөрә, кечән илин мајында Иранын Президент Администрасијтасынын сабиг рәһбәри Исфәндијар Рәһим Мәшаи Әмирифәри Президент Администрасијасынын Мәдәнијјәт Шурасынын үзву сечмишди.
Мәшаи кечән ај вәзифәсиндән узаглашдырылыб. Әһмәдинежадын гудасы олан Мәшаи 2009-ҹу илдә витсе-президент тәјин едилсә дә, дини лидер ајәтуллаһ Хамнеји бу тәјината мане олмушду. Бир чох депутатлар, дини шәхсијјәтләр вә Иран Ислам Ингилабы Кешикчиләри Корпусу дини тәһриф етмәси илә бағлы Мәшаијә дәфәләрлә хәбәрдарлыг едибләр.
Иранда һакимијјәтдә олан мүһафизәкарлар дүшәрҝәсинә бағлы олан бир чох КИВ Мәшаинин Имам Меһди илә бағлы филми малијјәләшдирдијини иддиа едирләр.
Мәшаи бунунла бағлы һәләлик фикир билдирмәјиб.
Диггәт: Хәбәрдән истифадә етдикдә мәнбәјә истинад лазымдыр
