Әһли Бејт -АБНА- хәбәр аҝентлијинин вердији хәбәрә әсасән: Һаҹы Азәр Ҹәбијевин вәкили Елчин Намазов билдириб ки, Һәбс олунан ҝәнҹәли руһани Һаҹы Азәр Ҹәбијевин истинтагында бәзи дәјишикликләр едилиб.
Онун сөзләринә ҝөрә, мәһкәмәјә тәгдим етдикләри иттиһам актындан сөјүшә даир һиссәни чыхарыблар: “Сонунҹу иҹласда дөвләт иттиһамчысы да буну тәсдигләди ки, Азәр Ҹәбијевин сөјүшләр сөјмәси сүбут едилмәдијиндән, ону бу һиссәдә иттиһам етмирләр. Һәмчинин буну да дејим ки, полисләр Азәрин столу ҝөтүрдүјүнү, анҹаг нә үчүн ҝөтүрдүјүнү билмәдикләрини өнә чәкибләр”.
Һүгугларыны мүдафиә етдији диҝәр Ҝәнҹә сакини вә бу бөлҝәнин танынмыш диндары Илгар Мусајевин исә үрәјиндә ҹидди проблемләрин олдуғуну өнә чәкән Елчин Намазов дејиб: “26-да онун хәстәликлә әлагәдар бурахылмасыны тәләб едәҹәм. Чүнки бу ҹүр вәзијјәтдә онун һәбсдә сахланылмасы дүзҝүн дејил”.
Диггәт: Хәбәрдән истифадә етдикдә мәнбәјә истинад лазымдыр
