Әһли Бејт -АБНА- хәбәр аҝентлијинин вердији хәбәрә әсасән: Авропада ән нүфузлу мәтбуат органлардан сајылан Инҝилтәрәнин “Тһе Guаrdiаn” гәзетиндә өтән ҝүн “Азәрбајҹанда демократија тапдаланыр” башлыглы мәгалә дәрҹ олунуб. Мәгаләнин мүәллифләри исә “Амнестј Интернатионал” бејнәлхалг инсан һаглары тәшкилатынын директору Кејт Аллен, Мәһбус Журналистләр Бирлијинин рәһбәри Салил Трипати, “Артиҹле 19" тәшкилатынын башчысы Анн Калламар, танынмыш һүгуг мүдафиәчиси Наташа Шмидт вә Медиа Мүхтәлифлији Институтунун директору Милик Пезкидир. Мүәллифләр ”Ҝүндәлик Азәрбајҹан" вә “Реалныј Азербајджан” гәзетләринин тәсисчиси Ејнулла Фәтуллајевин һәбсинин бешинҹи илдөнүмү олдуғуну да мәгаләдә хатырладыблар.
“Тһе Guаrdiаn” гәзетиндә јајымланан мәгаләдә Азәрбајҹан һакимијјәтинин демократик принсипләрә гаршы чыхдығы вурғуланыб. Иҹтимаи Палатанын кечирдији 17 апрел митинги вә полисин аксијаја сәрт мүдахиләси хүсуси габардылыб: “Јахын Шәрг вә Шимали Африка өлкәләрини бүрүјән ингилаб далғасындан сонра Азәрбајҹан вәтәндашлары вә демократија тәрәфдарлары апрелин 17-дә Бакы күчәләринә ахышараг етираз аксијасы кечирдиләр. Һөкумәт аксијаја сәрт мүдахилә едәрәк сәрбәст топлашмаг вә сөз азадлығына олан агрессив мүнасибәтини бир даһа ҝөстәрди. Ејнулла Фәтуллајевин һәбсдә галмасы Азәрбајҹанда сөз азадлығынын һәр өтән ҝүн даһа да писләшдијиндән хәбәр верир. Азәрбајҹанда мүстәгил медиаја гаршы һүҹумлар давам едир. Журналистләрин физики һүҹумлара мәруз галмасы вә һәбс олунмасы ади һала чеврилиб. Бејнәлхалг тәшкилатлар вә демократик дүнја дәфәләрлә Азәрбајҹан һакимијјәтини инсан һаглары, демократија вә сөз азадлығынын кобуд шәкилдә позулмасына ҝөрә сәрт тәнгид едиб”.
Мүәллифләр бејнәлхалг инсан һаглары тәшкилатларыны вә демократик дөвләтләри Азәрбајҹан һакимијјәтинә гаршы сәрт аддымлар атмаға чағырыб. Онлар ејни заманда, Әлијев һакимијјәтинә дә инсан һагларына һөрмәт етмәјә, Ејнулла Фәтуллајеви азадлыға бурахмаға, вәтәндашларын сәрбәст топлашмаг һүгугуну танымаға даир чағырыш едиб.
Диггәт: Хәбәрдән истифадә етдикдә мәнбәјә истинад лазымдыр
