Әһли Бејт -АБНА- хәбәр аҝентлијинин вердији хәбәрә әсасән: Әрәстун Оруҹлу билдириб ки, сәфирликләр һәгигәтән дә реал террор тәһдидләринин олмасындан хәбәрдардыр: “АБШ вә Бөјүк Британијанын хәбәрдарлыгларында һансыса сијаси чалар ахтармаг олар. Чүнки ачыг олмаса да, Бөјүк Британијанын, АБШ-ын Азәрбајҹанла сијаси мүнасибәтләриндә һансыса ҝәрҝинлик вар. Азәрбајҹанын рәсми ачыгламаларында, рәсми шәхсләрин мүсаһибәләриндә, еләҹә дә АБШ-ын Азәрбајҹана мүнасибәтиндә - демократијанын, инсан һагларынын горунмасы бахымындан, коррупсија илә бағлы - ҝәрҝинлик вар.
Исраиллә мүнасибәтләрә ҝәлдикдә, бу өлкәнинАзәрбајҹанла һәр һансы ҝәрҝинлијинин олмадығыны билирик. Азәрбајҹан исраиллә там ујғун әлагә сахлајыр. Һалбуки һазырда сәфирлијин фәалијјәтини дајандырмагла ән радикал аддымы бу өлкә атыб. Һесаб едирәм ки, Гәрб типли дөвләтләр ичәрисиндә Исраиллә Азәрбајҹан арасында мүнасибәтләр даһа јахшыдыр. Мүсәлман дүнјасында - Мисирдә баш верән һадисәләрдән сонра, еләҹә дә Түркијә-Исраил мүнасибәтләринин сојумасы фонунда Азәрбајҹан Исраил үчүн өнәмли партнјор олуб”.
Политолог бир даһа вурғулајыр ки, террор тәһлүкәси һәгигәтән дә вар: “Террор елә бир аксијадыр ки, онун барәсиндә әввәлҹәдән мәлумат олмур. Һарда, нә заман вә неҹә баш верәҹәк? Үмуми билҝиләр оланда вә бу мәлуматлар јетәринҹә олмајанда, онун гаршысыны алмаг үчүн профилактик тәдбирләр кечирмәк мүмкүн олмајанда дөвләтләрин практикасында һәр һансы хәбәрдарлыг еләмәси, өз вәтәндашларыны еһтијатлы олмаға чағырмасы тәбиидир”.
Азәрбајҹанда сон ики ај әрзиндә исламчыларын һәбси, онларын террор һазырламасы, дөвләт чеврилиши һазырламасына даир һүгуг мүһафизә органларынын апардыглары әмәлијјатлары хатырладан Әрәстун Оруҹлунун сөзләринә ҝөрә, бу әмәлијјатларын архасында нәләрин дајандығыны азәрбајҹанлылар еһтимал едә биләр: “Амма хариҹи өлкәләр белә бахмырлар. Хүсусән террор мөвзусунун һәссас олдуғу бир заманда бу кими мәсәләләр чох ҹиддијә алыныр. Инди биз бу тәсири һисс едирик.
Диҝәр тәрәфдән сон заманлар Азәрбајҹанла Иран Ислам Республикасы арасында давамлы ҝәрҝин просесин јашандығы мүшаһидә олунур. Бөлҝәдә һүгуглары позулмуш тәшкилатлар вар, онлар Иран Ислам Республикасыны өзләри үчүн һимајәдар, дајаг ҝөрүрләр. Она ҝөрә дә Иран Ислам Республикасына гаршы олан аддымы өзләринә гаршы јөнәлмиш һесаб едирләр”.
Һазырда Иран Ислам Республикасы мүхалифәтинин јени етираз далғасына башламаг истәдијини гејд едән политолог билдириб ки, бунунла да диггәти јајындырмаг үчүн, Иранда гајнаманын Гәрбдән ҝәлдији мәнтигиндән чыхыш едәрәк Гәрб марагларына һүҹумлара баш вура биләрләр: “Ејни заманда Иран-Исраил мүнасибәтләринин һансы формада олдуғуну нәзәрә алмаг лазымдыр”.
Сәфирликләрин горунмасы мәсәләсинә ҝәлинҹә, Әрәстун Оруҹлу билдириб ки, әввәлки илләрлә мүгајисәдә Азәрбајҹанда террорла мүбаризә истигамәтиндә пешәкарлыг артыб: “Артыг антитеррор гурумлары вар. Истәр АБШ, истәр Русија, истәр Исраил гурумлары илә бирҝә әмәлијјатлар кечирилиб вә бунлар чох уғурлу алыныб. Садәҹә олараг Исраил террор мәсәләсиндә чох һәссасдыр вә өзләрини сығорталамаг үчүн бир гәдәр радикал аддым атыблар”...
Диггәт: Хәбәрдән истифадә етдикдә мәбәјә истинад лазымдыр
