Әһли Бејт -АБНА- хәбәр аҝентлијинин вердији хәбәрә әсасән: Өтән илин нојабр ајындан етибарән Азәрбајҹанда орта мәктәбләрдә һиҹаба гојулан гадаға һәлә дә давам едир. Өлкәдә иҹтимаијјәт нүмајәндәләринин, партија сәдрләринин вә садә әһалинин етиразына рәғмән, һәлә ки рәсми олараг тәһсил оҹагларында һиҹаба тәтбиг олунан гадаға арадан галдырылмајыб. Минләрлә әһалинин јаздығы мәктуб вә нүфузлу руһаниләрин мүраҹиәти һәлә дә мүсбәт һәлл олумајыб.
Бу ҝүнләрдә нүфузлу алимләриндән ибарәт бир груп руһани Президент Адмистрасијасына дәвәт олунуб. Едилән мүраиҹәт әсасында Президент Апаратына дәвәт олунан руһаниләр, орада өлкәдә баш верән сон просесләри, о ҹүмләдән һиҹаб проблеми мөвзусунда мүзакирә апарыблар. Азәрбајҹанын мүхтәлиф реҝионларындан олан Һаҹы Әли Әлиоғлу, Һаҹы Сәрдар Һаҹыһәсәнли, Һаҹы Илһам Әлијев вә Һаҹы Васиф Нифтуллајев Президент Апаратынын иҹтима-сијаси мәсәләләр үзрә шөбә мүдүрү, Әли Һәсәновун мүавини Таһир Сүлејманов гәбул едиб. Һәләлик Президент Апаратында өлкәнин нүфузлу руһаниләри илә Әли Һәсәновун мүавини Таһир Сүлејманов арасындакы ҝөрүшүн тәфәрүатлары ачыгланмаса да, јахын ҝүнләрдә һәмин ҝөрүшүн деталлары барәдә мәлумат вериләҹәк.
Диггәт: Хәбәрдән истифадә етдикдә мәбәјә истинад лазымдыр
