Әһли Бејт -АБНА- хәбәр аҝентлијинин вердији хәбәрә әсасән: Мисирдә күтләви етиразларын давам етдији бир вахтда, бу өлкәдә баш верән һадисәләрә мүхтәлиф өлкәләрдән фәргли мүнасибәт ҝәлир. Түркијә вә Иран Мисирдә халгын Һүснү Мүбарәки истефаја ҝөндәрмәсинә дәстәк версә дә, АБШ вә Авропа Бирлији онун ҝедишиндән сонра јеринә дүнјәви партија сәдринин тәјин олунмасыны истәјир. Исраил исә бу мәсәләләрдә ән јахын тәрәфдашы олан Һүснү Мүбарәкин деврилмәсинин бир мәналы олараг әлејһинәдир.
Мөвзу илә әлагәдар ББС-ә мүсаһибә верән Исраилин Гаһирәдәки кечмиш сәфири Ели Шакед, "Исраилин нараһатчылығы Мисирдә сәрбәст вә демократик сечкиләрдә игтидарын Исламчы бир партија тәрәфиндән әлә кечирилмәсидир. Бу өлкәдә гәдим вә көклү тәшкилат олан Мүсәлман Гардашлар Бирлији, бу ҝедишлә игтидара ҝәлә биләр. Һазырки вәзијјәтдә Мүбарәкин нүмајишчиләрә гаршы апардығы мүбаризәдә АБШ-ын нүмајиш етдирдији мөвге, она архадан бычаг зәрбәси ендирмәсинә бәнзәјир"-дејә билдириб.
Диггәт: Хәбәрдән истифадә етдикдә мәнбәјә истинад лазымдыр
